Salamo 84:1-12
I le faatonu o le ʻaufaimusika o le Kata.* O le fanauga a Koru.+ O le pese.
84 Ieova o ʻau e,Maʻeu le matagofie* o lou faleʻie paia sili!+
2 Ua ou naunau ma lo‘u lotoatoa,Ioe, ua ou vaivai i lo‘u naunauI le fia alu atu i lotoā o Ieova.+
Ua alaga fiafia loʻu loto ma loʻu nei tagata i le Atua soifua.
3 E oo lava i le manulele ua maua se mea e nofo ai i inā,Ua maua foʻi e le peʻapeʻa se ofaga mo ia,E tausi ai lana toloaʻiE latalata i lou fata faitaulaga sili, Ieova o ʻau e,O loʻu Tupu ma loʻu Atua!
4 E fiafia i latou e nonofo i lou fale!+
E latou te vivii atu pea iā te oe.+ (Selā)
5 E fiafia tagata e maua mai iā te oe lo latou malosi,+O ē e naunau o latou loto i ala o lou fale.
6 Pe a ui ane i le vanu o Peka,*E latou te faia ina ia avea ma nofoaga o vaipuna;Ma o timuga muamua e ufitia ai* i faamanuiaga.
7 E savavali pea i latou ae e lē mou atu lo latou malosi;+E ō atu i latou taʻitoʻatasi i luma o le Atua i Siona.
8 Ieova le Atua o ʻau e, ia e faafofoga mai i laʻu tatalo;Le Atua o Iakopo e, ia e faafofoga mai. (Selā)
9 Lo matou talita+ ma lo matou Atua, ia e silasila mai,*Ia e silasila mai i fofoga o lē ua e faauuina.+
10 Auā e sili atu le aso e tasi i ou lotoā nai lo o aso e afe i se isi mea!+
Ua ou filifili e tū i le faitotoʻa o le fale o loʻu AtuaNai lo o le nofo i faleʻie o tagata amioleaga.
11 Auā o Ieova le Atua, o le lā+ o ia ma o le talita;+E foaʻi mai e ia le agalelei ma le mamalu.
E lē taofia e Ieova se mea leleiMai iā i latou o savavali ma le faamaoni.+
12 Ieova o ʻau e,E fiafia le tagata e faatuatua iā te oe.+
Faamatalaga Pito i Lalo
^ Tagaʻi i le Uiga o Upu.
^ Po o le “pele iā te aʻu.”
^ Po o “le vanu o vao peka.”
^ Pe atonu “Ma ua fusia foʻi e le aʻoaʻo o ia lava.”
^ Pe atonu “Le Atua e, ia e silasila mai i lo matou talita.”
