Salamo 81:1-16
I le faatonu o le ʻaufaimusika o le Kata.* O le salamo a Asafo.+
81 Ia alalaga fiafia i le Atua o lo tatou malosi.+
Ia alalaga i le manumalo i le Atua o Iakopo.
2 Ia tā le pese ma aumai le topa,O le kitara leo mālie foʻi faatasi ma le meafaifaaili e iai uaua.
3 Ia ili le pū i le aso o le masina faatoʻā vaaia,+I le atoa o le masina, i le aso o la tatou tausamiga.+
4 Auā o le tulafono lea mo Isaraelu,O le poloa‘iga a le Atua o Iakopo.+
5 Na ia faavaeina o se faamanatuga iā Iosefa,+Ina ua afio atu o Ia e faasagatau i le nuu o Aikupito.+
Na ou faalogo ai i se leo* ou te leʻi iloaina:
6 “Na ou tuu ese le avega mai i lona tauʻau;+Na sa‘oloto ona lima mai i le ato.
7 Na e valaau mai i lou puapuaga, ona ou laveaʻiina lea o oe;+Na ou tali atu iā te oe mai i ao o faititili.*+
Na ou tofotofo foʻi iā te oe i vai o Meripa.*+ (Selā)
8 Loʻu nuu e, inā faalogo mai ia seʻi oʻu lapata‘i atu iā te oe.
Isaraelu e, pe ana e faalogo mai iā te aʻu,+
9 Ona leai lea o ni atua ese iā te oe,Ma e te lē ifo atu i se atua ese.+
10 O aʻu o Ieova, o lou Atua,O lē na aveina aʻe oe mai i le nuu o Aikupito.+
Inā faamaga mai ia lou gutu, ona ou faatumuina ai lea.+
11 Ae e leʻi faalogo mai loʻu nuu i loʻu leo;E leʻi gaua‘i mai Isaraelu iā te aʻu.+
12 O lea na ou tuuina atu ai i latou e mulimuli i lo latou lotomaaa;Na latou faia mea na latou manatu e sa‘o.*+
13 Pe ana faalogo mai loʻu nuu iā te aʻu,+Pe ana savavali foʻi Isaraelu i oʻu ala!+
14 Ou te vave faatoʻilaloina o latou fili;E liliu atu loʻu lima i ē e ita iā i latou.+
15 A o i latou e ‘ino‘ino iā Ieova e gatete i latou i ona luma,Ma e faavavau foʻi lo latou i‘uga.*
16 Ae e na te fafaga oe* i le saito e sili ona lelei,+Ma faamalie oe i le meli mai i le papa.”+
Faamatalaga Pito i Lalo
^ Tagaʻi i le Uiga o Upu.
^ Po o “se gagana.”
^ Epe., “i le mea lilo e iai faititili.”
^ Lona uiga “Finauga.”
^ Epe., “Na latou savavali i mea na latou filifili i ai.”
^ Epe., “taimi.”
^ Epe., “o ia,” e faasino atu i le nuu o le Atua.
