Salamo 8:1-9
I le faatonu o le ʻaufaimusika o le Kata.* O le pese a Tavita.
8 Ieova e lo matou Alii, maʻeu lava le silisili o lou suafa i le lalolagi uma;Ua e faia lou mamalu ia silisili atu nai lo o le lagi!*+
2 Ua e faaalia lou malosi e ala mai i gutu o tamaiti ma pepe+Ona o ē e ita mai iā te oe,Ina ia faafilemu le fili ma lē e tauimasui.
3 Pe a ou vaai atu i lou lagi, o galuega a ou tamatamaʻilima,O le masina ma fetu na e faia,+
4 O ai ea le tagata faatauvaa ua e manatu mai i ai,Ma le atalii o le tagata ua e tausia ai o ia?+
5 Ua e faamaulaloina teisi o ia i lo o ē e pei o ni atua,*Ma ua e faapaleina o ia i le mamalu ma le matagofie.
6 Ua e foa‘i iā te ia le pule i galuega a ou aao;+Ua e tuu mea uma i lalo o ona vae:
7 O lafumanu ma lafu povi uma lava,Faapea fo‘i manu o le vao,*+
8 O manufelelei o le lagi ma iʻa o le sami,Ma so o se mea foʻi e fealuaʻi i le sami.
9 Ieova e lo matou Alii, maʻeu le silisili o lou suafa i le lalolagi uma lava!
Faamatalaga Pito i Lalo
^ Tagaʻi i le Uiga o Upu.
^ Pe atonu “Ua ta‘uta‘ua lou mamalu e sili i luga o le lagi!”
^ Po o “i lo o agelu.”
^ Epe., “manu o le fanua.”
