Salamo 79:1-13
O le pese a Asafo.+
79 Le Atua e, ua osofa‘ia e atunuu lou tofi;+Ua latou faaleagaina lou malumalu paia;+Ua latou faia foʻi Ierusalema ma faupuʻega o mea ua faatafunaina.+
2 Ua latou tuuina atu tino oti o au auauna e fai ma meaʻai a manufelelei o le lagi,O tino foʻi o ou tagata faamaoni i manufeʻai o le lalolagi.+
3 Ua latou sasaa atu o latou toto e pei o le vai ua soo ai Ierusalema,Ua leai foʻi se tasi e tanuina i latou.+
4 Ua avea i matou ma luma i o matou tuaoi;+Ua tauemu ma faifai mai ē o loo siʻomia i matou.
5 Ieova e, o le ā ea le umi e te ma‘ema‘eā ai? Pe e faavavau ea?+
O le ā foʻi le umi e mumū ai e pei o le afi lou toʻatamaʻi?+
6 Ia e sasaa atu lou toʻasā i luga o atunuu e lē o iloa oe,Ma luga o malo e lē o valaau atu i lou suafa.+
7 Auā ua latou faaumatia Iakopo,Ua latou faatafunaina foʻi lona nuu.+
8 Aua e te faasalaina i matou ona o mea sesē a o matou tuaa.+
Ia vave ona e alofa mutimutivale mai iā i matou,+Auā ua matuā faamaulaloina i matou.
9 Le Atua o lo matou faaolataga,+Ia e fesoasoani mai iā i matou ona o lou suafa mamalu;Ia e laveaʻi i matou ma faamagalo* a matou agasala ona o lou suafa.+
10 Aiseā e faapea ane ai atunuu: “O fea lo latou Atua?”+
Ia faailoa atu i atunuu le tauia o le toto masaa o au auauna,A o matou vāai atu i ai.+
11 Tau ina ia e faafofoga i le mapuitigā o le pagota.+
Ia faaaogā lou mana* tele e faasaoina* ai i latou ua tuu i ai le faasalaga oti.*+
12 Ia taui atu faafitu i o matou tuaoi+Mo taufaifaiga na latou fai atu iā te oe, Ieova e.+
13 A o i matou o lou nuu ma le lafu mamoe na e fafagaina,+E matou te faafetai atu iā te oe e faavavau;E matou te faalauiloa atu foʻi ou viiga i lea tupulaga ma lea tupulaga.+
Faamatalaga Pito i Lalo
^ Epe., “ufiufi.”
^ Epe., “aao.”
^ Pe atonu “faasaʻoloto.”
^ Epe., “atalii o le oti.”
