Salamo 76:1-12
I le faatonu o le ʻaufaimusika; ia faaaogā ma meafaifaaili e iai uaua. O le salamo a Asafo.+ O le pese.
76 Ua iloa le Atua i Iuta;+Ua silisili lona suafa i Isaraelu.+
2 Ua i Salema+ lona fale e malu ai,Ua i Siona foʻi lona afioaga.+
3 Na ia gauia i lea mea o aū fanafana mū,O le talipupuni, o le pelu, ma auupega o le taua.+ (Selā)
4 Ua susulu mai lou malamalama;*E sili atu lou malualii nai lo o mauga o loo nonofo ai manufeʻai.
5 O ē e lototetele ua faoa a latou mea.+
Ua momoe i latou;Ua leai se fesoasoani mo tagata totoa.+
6 Le Atua o Iakopo e, o le aʻoaʻiga mai iā te oeUa moegase ai le tagata tiʻetiʻe kariota atoa ma le solofanua.+
7 E na o oe lava e ofoofogia.+
O ai sē e mafai ona tatalia le malosi o lou toʻasā?+
8 Ua e faalauiloa mai i le lagi le faamasinoga;+Ua fefefe ma fifilemu le lalolagi+
9 Ina ua tulaʻi le Atua e faaoo le faamasinoga,Ina ia faaolaina o ē uma e agamalu o le lalolagi.+ (Selā)
10 Auā o le ita tele o le tagata e i‘u ina viia ai oe;+O le toe faaaliga foʻi o lo latou ita tele e te faamamaluina ai oe.
11 Inā faia a outou tautoga ma totogi atu iā Ieova lo outou Atua,+O ē uma o loo siʻosiʻomia o ia, ia avatu a latou meaalofa ma le mataʻu.+
12 E faamaulaloina e ia le faamaualuluga o taʻitaʻi;E faatupu e ia le matata‘u o tupu o le lalolagi.
Faamatalaga Pito i Lalo
^ Po o le “Ua ufitia oe i le malamalama.”
