Salamo 75:1-10
-
E faamasino ma le tonu le Atua
-
Feinu tagata amioleaga i le ipu a Ieova (8)
-
I le faatonu o le ʻaufaimusika o le “Aua E te Tuuina Atu Aʻu Ina ia Fano.” O le salamo a Asafo.+ O le pese.
75 Le Atua e, e matou te faafetai atu iā te oe, e matou te faafetai atu iā te oe;O loo latalata mai lou suafa,+E faalauiloa atu fo‘i e tagata au galuega ofoofogia.
2 Ua e fetalai: “Pe a ou filifilia se taimi atofaina,Ou te faamasino ma le tonu.
3 Ina ua liusuāvai le lalolagi ma ē uma o loo nonofo ai,O aʻu lava na ou faatumauina ona poutū.” (Selā)
4 Ua ou faapea atu i ē e mitamitavale, “Aua tou te mitamitavale,”
Ua ou faapea atu foʻi i ē e amioleaga, “Aua le faasilisilia lo outou malosi.*
5 Aua tou te soona faasilisilia lo outou malosi,*Pe tautatala ma le faasausili.
6 Auā o lē e faasilisilia,E lē mai i sasa‘e, po o sisifo, po o saute foʻi.
7 Auā o le Atua o le Faamasino.+
E na te faamaulaloina le tasi ae faasilisilia le isi.+
8 Auā o loo iai le ipu i le aao o Ieova;+O le uaina ua piapiā ma filogia atoa.
E na te sasaa ese lava,Ma feinu ai tagata amioleaga uma o le lalolagi, e oo lava i ona ‘alu.”+
9 A o aʻu, ou te taʻutaʻu atu e faavavau;Ou te usuina viiga* i le Atua o Iakopo.
10 Auā ua ia fetalai: “Ou te aveeseina le malosi* uma o ē e amioleaga,Ae e faasilisilia le malosi* o ē e amiotonu.”
Faamatalaga Pito i Lalo
^ Epe., “nifo.”
^ Epe., “nifo.”
^ Po o le “tā ma usuina pese.”
^ Epe., “nifo.”
^ Epe., “nifo.”
