Salamo 68:1-35

  • ‘Ia faataapeapeina fili o le Atua’

    • “O le tamā o tamaiti e leai ni tamā” (5)

    • Avatu e le Atua se fale e nonofo ai ē ua tuua toʻatasi (6)

    • Folafola atu e fafine le tala lelei (11)

    • Foaʻi mai meaalofa i tagata (18)

    • ‘E tauaveina e Ieova la tatou avega i aso taʻitasi’ (19)

I le faatonu o le ʻaufaimusika. O le salamo a Tavita. O le pese. 68  Ia tulaʻi mai le Atua, ma ia faataapeapeina ona fili,Ia sosola ese mai i ona luma o ē e ʻinoʻino iā te ia.+   E pei ona lelea ese o le asu, ia faapea ona e tuliesea i latou;E pei foʻi ona liusuāvai o le gaʻo* i luma o le afi,Ia faapea foʻi ona fano o ē e amioleaga i luma o le Atua.+   Ae ia olioli o ē e amiotonu;+Ia matuā fiafia i latou i luma o le Atua;Ia faaeaina i latou i le olioli.   Ia outou pepese atu i le Atua, ia usu viiga* i lona suafa.+ Ia pepese i Lē o loo tiʻetiʻe atu i fanua laugatasi o le toafa.* O Ioa,* o lona suafa lea!+ Ia olioli i ona luma!   O ia o le tamā o tamaiti e leai ni tamā, ma o lē e puipuia* fafine ua oti a latou tane,+O le Atua lea i lona afioaga paia.+   Ua avatu e le Atua se fale e nonofo ai i latou ua tuua toʻatasi;+Ua aumaia e ia o pagota ma faatamaoaigaina i latou.+ Ae o ē ua faauamaaa,* e nonofo i latou i le nuu naumati.+   Le Atua e, ina ua e ta‘ita‘ia* lou nuu,+Ina ua e afio atu foʻi i le toafa, (Selā)   Ona gatete ai lea o le lalolagi;+Ua faatotō ifo e le lagi timuga* ona o le Atua;Ua gatete foʻi Sinai ona o le Atua, le Atua o Isaraelu.+   Le Atua e, ua e faatotō ifo timuga tetele;Ua e toe faamalosia lou nuu* ua vaivai. 10  Ua latou nonofo i ou faleʻie;+Le Atua e, o lou lelei ua e saunia ai mea mo lē ua mativa. 11  Ua aumai e Ieova le poloa‘iga;O fafine e folafolaina atu le tala lelei, o le ʻautau e toʻatele i latou.+ 12  Ua sosola tupu o ʻautau,+ ua sosola i latou! A o le fafine e nofo pea i le fale, e maua e ia o mea mai i le vete.*+ 13  E ui ina outou taooto i le vā o afi,*Ae e iai se lupe ua ufitia ona apaʻau i le siliva,Ma ona fulu i le auro lelei.* 14  Ina ua faataapeapeina tupu i inā e Lē e ona le malosi uma lava,+Ona toʻulu ai lea o le kiona i Salemone.* 15  O le mauga o Vasana,+ o le mauga lea o le Atua;*O le mauga o Vasana, o le mauga e tele ona tumutumu. 16  O outou mauga e tele tumutumu, aiseā ea ua outou vaavaai atu ai ma le matauʻaI le mauga ua filifilia e* le Atua e afio ai?+ E moni, e afio Ieova i inā e faavavau.+ 17  E faitau sefulu afe kariota tau a le Atua, ma e faitau afe foʻi.+ Ua afio mai Ieova mai i Sinai i le mea paia.+ 18  Ua e afio aʻe i lugā;+Ua e aveina ai pagota;Ua e foaʻi mai meaalofa i tagata,+E oo lava i ē e faauamaaa,+ ina ia e nofo faatasi ma i latou, Ioa e, le Atua. 19  Ia viia Ieova, o lē e tauaveina la tatou avega i aso taʻitasi,+O le Atua moni o lo tatou faaolataga. (Selā) 20  O le Atua moni, o le Atua e na te faaolaina i tatou;+Ma o Ieova le Alii Pule Silisili Ese, o ia e faasaoina le tagata mai i le oti.*+ 21  Ioe, e tuʻimomomoina e le Atua ulu o ona fili,O le tumua‘i o le ulu* o lē ua faaauau ona agasala.*+ 22  Ua fetalai mai Ieova: “Ou te toe aumaia i latou mai i Vasana;+Ou te toe aumaia i latou mai i mea loloto o le sami, 23  Ina ia fufuluina ou vae i le toto,+Ma etoeto ai e laulaufaiva o au taʻifau le toto o fili.” 24  Le Atua e, ua latou vāai i au solo o le manumalo,O solo o le manumalo a loʻu Atua, ma loʻu Tupu i lona afioaga paia.+ 25  Ua muamua atu i luma o ē e pepese, ua mulimuli atu iā i latou o ē e tāina meafaifaaili e iai uaua;+Ua i le vā foʻi o fafine talavou e lūlūina topa.*+ 26  Ia vivii atu i le Atua i faapotopotoga o tagata e toʻatele;Ia vivii atu iā Ieova o outou o ē e mai i le Puna o Isaraelu.+ 27  O loo iai i inā le uii o Peniamina,+ ua pule iā i latou,O perenise fo‘i o Iuta faatasi ma o latou motu o tagata o loo alalaga,Atoa ma perenise o Sepulona, ma perenise o Nafatali. 28  Ua poloaʻi mai lou Atua o le a tuuina atu iā te oe le malosi. Le Atua e, inā faailoa mai ia lou malosi, e pei ona e faia mo i matou.+ 29  Ona o lou malumalu i Ierusalema,+E avatu ai e tupu meaalofa iā te oe.+ 30  Inā aʻoaʻi ia manufeʻai o loo i lalo o ū,Atoa ma le lafu o povi poʻa+ ma tamaʻi povi,Se‘ia ifo mai le nuu ma aumaia* siliva. Ae ua ia faataapeapeina le nuu e naunau i taua. 31  E aumaia mea e fai i ʻapamemea* mai i Aikupito;+E vave ona avatu e Kuso meaalofa i le Atua. 32  O outou o malo o le lalolagi, inā pepese atu ia i le Atua,+Ia outou usuina viiga* iā Ieova, (Selā) 33  O lē o loo tiʻetiʻe i le lagi o lagi mai anamuā.+ Faauta! Ua taalili mai lona siʻufofoga, o lona siʻufofoga malosi. 34  Ia outou amana‘ia e malosi le Atua.+ E oo atu lana pule i Isaraelu,Ma o loo i le lagi* foʻi lona malosi. 35  E ofoofogia le Atua a o afio mai i lona* afioaga paia.+ O ia o le Atua o Isaraelu,O lē e tuuina mai le malosi ma le mana i lona nuu.+ Ia viia le Atua.

Faamatalaga Pito i Lalo

E foliga mai o le gaʻo lea e maua mai i lagomeli.
Po o le “tā ma usuina pese.”
Pe atonu “tiʻetiʻe i luga o ao.”
O “Ioa” o le faapuupuuga o le suafa o Ieova.
Epe., “o le faamasino o.”
Po o le “fouvale.”
Epe., “muamua atu i luma o.”
Epe., “Ua sinasina ifo le lagi.”
Epe., “tofi.”
Tagaʻi i le Uiga o Upu.
Pe atonu “o lotoā o mamoe.”
Po o le “e samasama meamata.”
Po o le “E pei lava ua toʻulu le kiona i Salemone.”
Po o le “o se mauga maualuga.”
Po o le “ua finagalo.”
E mafai foʻi ona uiga atu, e na te toe faatūina le tagata mai le oti.
Epe., “tumuaʻi lauulua o le ulu.”
Epe., “nofosala.”
O se meafaifaaili e tagitagi. O le upu Peretania, o le tambourine.
Pe atonu “Seʻia soli e le nuu.”
Pe atonu “E ō mai avefeʻau.”
Po o le “Ia tā ma usuina pese.”
Epe., “i ao.”
Epe., “lou.”