Salamo 62:1-12
I le faatonu o le ʻaufaimusika o le Iutana.* O le pese a Tavita.
62 E moni lava, ou te faatalitali ma le filemu i le Atua.
E mai iā te ia loʻu faaolataga.+
2 E moni lava, o ia o loʻu papa, o loʻu faaolataga, ma loʻu sulufa‘iga malupuipuia;*+Ou te lē matuā tautevateva lava.+
3 O le ā ea le umi e tou te osofaʻia ai se tagata ina ia fasiotia o ia?+
O outou uma e pei o se pā e lamatia ai, o se pā maa ua toeitiiti solofa i lalo.*
4 Auā ua latou taupulepule faatasi ina ia aveesea o ia mai i lona tulaga maualuga;*E latou te fiafia i le pepelo.
E latou te faamanuia atu i o latou gutu, a o totonu o o latou loto ua latou fetuu atu i isi.+ (Selā)
5 E moni lava, ou te faatalitali ma le filemu i le Atua,+Auā e mai iā te ia loʻu faamoemoe.+
6 E moni lava, o ia o loʻu papa, o loʻu faaolataga, ma loʻu sulufa‘iga malupuipuia;Ou te lē tautevateva lava.+
7 E faalagolago i le Atua loʻu faaolataga ma loʻu mamalu.
O le Atua o loʻu papa malosi, ma o loʻu sulufaʻiga.+
8 Le nuu e, ia faatuatua atu iā te ia i taimi uma.
Ia outou sasaa atu iā te ia o outou loto.+
O le Atua o lo tatou sulufaʻiga.+ (Selā)
9 O le fanau a tagata ua na o se savili,O le fanau a tagata e taufaasesē.+
Pe a fuatia faatasi i latou i le fua, e sili atu lo latou māmā nai lo o le savili.+
10 Aua tou te faatuatua i mea ua faoa,Aua foʻi le faamoemoe i mea ua ave faagaoi.
Pe a faateleina a outou oloa, aua neʻi faatuatua o outou loto i na mea.+
11 E faatasi ona fetalai mai le Atua, ae e faalua ona ou faalogo ai i lenei mea:
O le Atua e ona le malosi.+
12 O oe foʻi Ieova e, e ona le alofa faamaoni,+Auā e te toe taui mai i tagata taʻitoʻatasi e tusa ma ana galuega.+
Faamatalaga Pito i Lalo
^ Tagaʻi i le Uiga o Upu.
^ Po o le “ʻolo malupuipuia.”
^ Pe atonu “O outou uma o loo osofaʻia o ia, e pei o ia o se pā, o se pā maa ua toeitiiti solofa i lalo.”
^ Po o “lona mamalu.”
