Salamo 60:1-12

  • Faatoʻilaloina e le Atua fili

    • E lē aogā le faaolataga mai i tagata (11)

    • “O le Atua e matou te maua ai le malosi” (12)

I le faatonu o le ʻaufaimusika o le “Lili e Faamanatu Ai.” O le Mikitamu.* O le salamo a Tavita. E aʻoaʻo atu ai. Ina ua tau o ia ma Arama-naalaima ma Arama-Sopa, ma ina ua toe foʻi mai Ioapo ma fasiotia tagata Etoma e toʻa 12,000 i le vanu o Masima.+ 60  Le Atua e, na e teena i matou; na e faataapeapeina i matou.+ Na e toʻatamaʻi iā i matou; ae ia e toe talia i matou!   Ua e lūlūina le laueleele; ua e faamavaevaeina foʻi. Ia e faaleleia mea ua mavetevete, auā ua solo i lalo.   Ua e faapogaia lou nuu e mafatia i puapuaga. Ua e faainu i matou i uaina e tautevateva ai.+   Ia tuuina* mai se faailoga i ē e matataʻu iā te oeIna ia sosola ma ʻaloʻalo i le ʻaufana. (Selā)   Ina ia laveaʻiina ai o ē e pele iā te oe,Ia e faaola i matou i lou aao taumatau ma ia tali mai iā i matou.+   Ua fetalai mai le Atua Paia:* “Ou te fiafia lava aʻu, ou te tuuina atu Sekema e fai ma tofi,+Ma ou te fuaina atu le vanu* o Sukota.+   O aʻu e ona Kiliata, e faapea fo‘i Manase,+O Efaraima foʻi o le puloutau* mo loʻu ulu;O Iuta o le tootoo lea o laʻu ta‘ita‘i‘au.+   O Moapi o le tanoa ou te mulumulu ai.+ Ou te lafoina atu oʻu seevae iā Etoma.+ Ou te alaga atu i le manumalo iā Filisitia.”+   O ai e na te avatua aʻu i le aai ua siʻosiʻomia?* O ai foʻi e na te taʻitaʻi atu aʻu e oo i Etoma?+ 10  Le Atua e, pe e lē o oe ea na teena i matou,Ma ua e lē toe afio atu lo matou Atua e, faatasi ma a matou ʻautau?+ 11  Ia e fesoasoani mai i lo matou puapuaga,Auā e lē aogā le faaolataga mai i tagata.+ 12  O le Atua e matou te maua ai le malosi,+Ma e na te solia i lalo o matou fili.+

Faamatalaga Pito i Lalo

Tagaʻi i le Uiga o Upu.
Pe atonu “Ua e tuuina.”
Pe atonu “i lona afioaga paia.”
Po o “le fanua laugatasi.”
Epe., “malosi.”
Pe atonu “malupuipuia.”