Salamo 58:1-11
-
E iai le Atua e faamasinoina le lalolagi
-
Le tatalo ina ia faasalaina ē amioleaga (6-8)
-
I le faatonu o le ʻaufaimusika o le “Aua E te Tuuina Atu Aʻu Ina ia Fano.” O le salamo a Tavita. O le Mikitamu.*
58 Pe e mafai ona outou tautatala e uiga i le amiotonu pe afai tou te fifilemu?+
O outou le fanau a tagata, pe e mafai ea ona outou faamasino ma le tonu?+
2 Nai lo o lea, ua outou faufau mea e lē tonu i o outou loto,+Ma ua faia i o outou lima faiga sauā i le laueleele.+
3 Ua sē ese* o ē e amioleaga talu ona fananau mai;*Ua latou taasē ma pepelo talu ona fananau mai.
4 O a latou mea oona ua pei o le mea oona a gata;+Ua tutuli i latou e pei o le asipi* ua punitia ona taliga.
5 E lē faalogo o ia i le leo o ē e atamamai e faaōleōle gata,E ui ina atamai lē o loo faaōleōle i faalauatau.
6 Le Atua e, ia e gauia o latou nifo mai i o latou gutu!
Ieova e, ia e gagauina foʻi auvae o nei leona!*
7 Tau ina ia mou atu i latou e pei o le vai o loo tafe ese.
Tau ina ia loloʻu e Ia lana ʻaufana ma faapaʻuʻū i latou i ana aū.
8 Tau ina ia pei i latou o se sisi ua lata ina mate;*E pei o le pepe a se fafine ua fanau lē au e na te lē vaaia lava le lā.
9 A o leʻi lagona e a outou ulo le mumū o laau tuitui,E aveesea e ia o laau lauolaola lanu meamata faapea ma laau ua mū, e pei ona aveesea i se matagi malosi.+
10 E olioli o lē e amiotonu ona ua ia iloa atu le tauimasui;+E matuā susū ona vae i le toto o lē e amioleaga.+
11 Ona faapea ane lea o tagata: “E moni lava e iai le taui mo lē e amiotonu.+
E moni foʻi e iai le Atua e na te faamasinoina le lalolagi.”+
Faamatalaga Pito i Lalo
^ Tagaʻi i le Uiga o Upu.
^ Po o le “piʻopiʻo.”
^ Epe., “ona iai i le manava.”
^ Tagaʻi i le Uiga o Upu.
^ Po o “tama‘i leona taanoa.”
^ Epe., “ua liusuāvai a o alu ese atu.”
