Salamo 57:1-11
I le faatonu o le ʻaufaimusika o le “Aua E te Tuuina Atu Aʻu Ina ia Fano.” O le salamo a Tavita. O le Mikitamu.* Ina ua sola ese o ia mai iā Saulo ma alu atu i le ana.+
57 Le Atua e, ia e alofa mai iā te aʻu, ia e alofa mai iā te aʻu,Auā o oe ou te sulufaʻi atu i ai,+O le paolo foʻi o ou apaʻau ou te sulufaʻi atu i ai, seʻia mavae atu faigatā.+
2 Ou te valaau atu i le Atua o Lē e Silisili Ese,I le Atua moni, o lē e faaiʻuina faigatā ona o aʻu.
3 E auina mai e ia le fesoasoani mai i le lagi ma faaolaina aʻu.+
E na te faafenuminumiaʻi foʻi lē e osofa‘ia a‘u. (Selā)
E auina mai e le Atua lona alofa* ma lona faamaoni.+
4 Ua si‘osi‘omia a‘u e leona;+E tatau ona ou taoto faatasi ma ē e saʻili e faaumatia a‘u,O o latou nifo o tao ma aū fanafana ia,O o latou laulaufaiva foʻi o le pelu maʻai lea.+
5 Le Atua e, ia faaeaina oe e sili aʻe i le lagi;Ia i luga aʻe foʻi i le lalolagi uma lou mamalu.+
6 Ua latou saunia se upega e pu‘ea ai o‘u vae;+Ua ou faano‘uno‘u ona o le mafatia.+
Ua latou eli se lua i oʻu luma,Ae ua paʻuʻū ai i latou lava i totonu.+ (Selā)
7 Le Atua e, ua mausalī loʻu loto,+Ua mausalī loʻu loto.
Ou te tā ma usuina viiga iā te oe.
8 Loʻu mamalu e, inā ala mai ia.
Inā ala mai ia, le meafaifaaili e iai uaua; o oe foʻi le kitara e.
Ou te alafaʻi mai i le tafa o ata.+
9 Ieova e, ou te vivii atu iā te oe i luma o tagata;+Ou te usuina viiga* iā te oe i luma o nuu.+
10 Auā ua tele lou alofa faamaoni, ua oo atu i le lagi,+Ua oo atu foʻi lou faamaoni i ao.
11 Le Atua e, ia faaeaina oe e sili aʻe i le lagi;Ia i luga aʻe foʻi i le lalolagi uma lou mamalu.+
Faamatalaga Pito i Lalo
^ Tagaʻi i le Uiga o Upu.
^ Po o le “alofa faamaoni.”
^ Po o le “tā ma usuina pese.”
