Salamo 50:1-23
O le pese a Asafo.+
50 Ua fetalai mai Ieova, le Atua o atua;*+Ua ia valaau mai i le lalolagiMai i le oso aʻe o le lā seʻia goto ifo.*
2 Ua pupula mai le Atua mai i Siona, lea e atoatoa lona matagofie.+
3 E afio mai lo tatou Atua ma e na te lē taofia lona siʻufofoga.+
Ua iai i ona luma le afi e faaumatia ai,+Ma ua siʻosiʻomia o ia e le afā malosi.+
4 Ua valaau atu o ia i le lagi i lugā ma le lalolagi,+Ina ia faamasinoina ona tagata:+
5 “Inā faapotopoto mai ia iā te aʻu o oʻu tagata faamaoni,O i latou ua osia le feagaiga ma a‘u i le taulaga.”+
6 Ua taʻutaʻu atu foʻi e le lagi lana amiotonu,Auā o le Atua o le Faamasino.+ (Selā)
7 “Loʻu nuu e, inā faalogo mai ia, ma o le a ou tautala atu;Isaraelu e, ou te molimau foʻi faasaga iā te oe.+
O aʻu o le Atua, o lou Atua.+
8 E lē ona o au taulaga ua ou aʻoaʻia ai oe,Po o au taulaga mū foʻi ua iai i oʻu luma e lē aunoa.+
9 E lē mana‘omia ona ou aveesea mai i lou fale se povi poʻa,Po o ni ʻoti* mai i ou lotoā.+
10 Auā o aʻu e ana manu tataa uma o le vaomatua,+E oo lava i manu i luga o mauga e afe.
11 Ou te iloa manufelelei uma o mauga;+O aʻu foʻi e ana le tele o manu o le fanua.
12 Pe ana ou fia ʻai, ou te lē taʻu atu iā te oe,Auā o aʻu e ana le laueleele ma mea uma o iai.+
13 Po ou te ʻaina ea le aano o povi poʻaMa inu le toto o ʻoti?+
14 Ia e ofoina atu le faafetai e fai ma au taulaga i le Atua,+Ma ia e totogi atu au tautoga i Lē e Silisili Ese;+
15 Ia e valaau mai iā te aʻu i taimi o puapuaga.+
Ou te laveaʻiina oe, ma e te faamamaluina foʻi aʻu.”+
16 Ae e fetalai ane le Atua i lē e amioleaga:
“O ai na tuuina atu iā te oe le aiā e te faamatala ai aʻu tulafono+Pe tautala i laʻu feagaiga?+
17 Auā ua e ʻinoʻino i le aʻoaʻiga,*Ma ua liliu pea lou tua i aʻu upu.*+
18 Pe a e vaai i se gaoi, e te fiafia iā te ia,*+Ma e te faifaimea faatasi ma tagata mulilulua.
19 Ua e faaaogā lou gutu e faasalalau ai upu leaga,Ma ua pipii le taufaasesē i lou laulaufaiva.+
20 Ua e nofo ma e tautala faasaga i lou lava uso;+Ua e faaalia mea sesē a* le tama a lou lava tinā.
21 Ina ua e faia nei mea, ou te leʻi pisa,Na e mafaufau faapea o le a ou pei o oe.
Ae o lenei, o le a ou aʻoaʻi iā te oe,Ma o le a ou laulau atu a‘u moliaga faasaga iā te oe.+
22 Faamolemole ia mafaufau i lenei mea, o outou o ē ua faagaloina le Atua,+Ina neʻi oʻu saeia outou e aunoa ma se tasi e laveaʻiina outou.
23 O lē e ofoina mai le faafetai e fai ma ana taulaga, e na te faamamaluina aʻu,+Ma o lē e mulimulituʻi i le ala sa‘o,Ou te faailoa atu iā te ia le faaolataga mai i le Atua.”+
Faamatalaga Pito i Lalo
^ Po o “o Lē e malosi, o Ieova le Atua.”
^ Po o le “Mai i le itu i sasaʻe i le itu i sisifo.”
^ Epe., “ʻoti poʻa.”
^ Epe., “ua e lafoaʻiina pea aʻu upu i ou tua.”
^ Po o le “i faatonuga.”
^ Pe atonu “e te faatasi atu iā te ia.”
^ Po o le “Ua e taufaaleaga i.”
