Salamo 49:1-20
I le faatonu o le ʻaufaimusika. O le fanauga a Koru.+ O le pese.
49 O outou nuu e, inā faalogo mai ia outou uma.
Inā ua‘i mai ia outou uma o loo nonofo i le lalolagi,*
2 O tagata lautele atoa ma tamālii,*O tagata mauʻoa faatasi ma tagata matitiva.
3 Ou te tautala atu lava i le atamai,Ma e faaalia e manatunatuga loloto o loʻu loto+ le malamalama.
4 Ou te uaʻi atu i le tala faatusa;Ou te faamatala atu foʻi laʻu tupua a o tāina le kitara.
5 Aiseā ou te fefe ai i taimi faigatā,+Ina ua siʻomia aʻu i mea leaga* a ē e sauāina aʻu?
6 O ē e faatuatua i lo latou tamaoaiga+Ma mitamita e faatatau i le tele o a latou ʻoa,+
7 E leai se tasi o i latou e mafai ona laveaʻi i lona usoPe avatu i le Atua se togiola mo ia,+
8 (E matuā telē le tau o le togiola o o latou ola,E lē mafaia lava ona latou avatua);
9 Ina ia ola o ia e faavavau ma lē vaai ai i le tuugamau.+
10 Ua ia iloa e oo foʻi le oti i le tagata atamai;E fano foʻi le tagata valea atoa ma le tagata e lē fetuutuunaʻi,+Ma e latou te tuua lo latou tamaoaiga e fai mo isi.+
11 O moomooga o o latou loto ia tumau o latou fale e faavavau,Ma o latou faleʻie mai i lea tupulaga i lea tupulaga.
Ua latou faaigoa o latou fanua i o latou igoa.
12 Ae e ui lava ina mamalu le tagata, e lē tumau o ia;+E lē sili atu o ia i manu ua mamate.+
13 O le ala lenei o ē e vālea+Ma ē e mulimuli iā i latou, o ē e fiafia i a latou upu faasausili. (Selā)
14 Ua tofia i latou e pei o mamoe i le Tuugamau.*
E leoleoina i latou e le oti;E pulea i latou e ē amio saʻo+ i le taeao.
E mou atu foʻi o latou tino;+E fai mo i latou le Tuugamau*+ nai lo o se maota matagofie.+
15 Peitaʻi, e laveaʻiina a‘u e le Atua mai i le pule a* le Tuugamau,*+Auā e na te taliaina aʻu. (Selā)
16 Aua e te fefe pe a mau‘oa se tagata,Ona ua faateleina le matagofie o lona fale,
17 Auā pe a oti o ia, e leai ma se mea e mafai ona ia aveina;+E lē alu ifo foʻi lona mamalu faatasi ma ia.+
18 Auā na ia viiviia o ia lava a o ola o ia.+
(E viiviia oe e tagata pe a e mau‘oa.)+
19 Ae e iʻu ina faatasi o ia ma ona augātamā.
E latou te lē toe vāai lava i le malamalama.
20 E ui lava ina mamalu le tagata,+ ae afai e lē malamalama o ia i lenei mea,E lē sili atu o ia i manu ua mamate.
Faamatalaga Pito i Lalo
^ Po o “le faiga o mea a lenei lalolagi.”
^ Epe., “O le fanau a tagata ma atalii o tagata.”
^ Epe., “mea sesē.”
^ Po o “Seoli.” Tagaʻi i le Uiga o Upu.
^ Po o “Seoli.” Tagaʻi i le Uiga o Upu.
^ Epe., “le lima o.”
^ Po o “Seoli.” Tagaʻi i le Uiga o Upu.
