Salamo 47:1-9

  • Avea le Atua ma Tupu i le lalolagi atoa

    • “E ofoofogia Ieova” (2)

    • Usu atu viiga i le Atua (6, 7)

I le faatonu o le ʻaufaimusika. O le fanauga a Koru.+ O le pese. 47  O outou nuu e, inā patipati ia o outou lima. Ia alalaga atu i le manumalo i le Atua ma le alaga fiafia.   Auā e ofoofogia Ieova o Lē e Silisili Ese;+O ia o le Tupu sili i le lalolagi atoa.+   E na te faatoʻilaloina tagata i la tatou pule;E na te tuuina nuu i lalo o o tatou vae.+   E na te filifilia le tofi mo i tatou,+O le mea e mitamita ai Iakopo, o lē ua ia alofa i ai.+ (Selā)   Ua afio aʻe le Atua ma le alaga fiafia;Ua afio aʻe Ieova ma le leo o le pū.*   Inā usu atu ia viiga* i le Atua, inā usu atu ia viiga. Inā usu atu ia viiga i lo tatou Tupu, inā usu atu ia viiga.   Auā o le Atua o le Tupu o le lalolagi atoa;+Inā usu atu ia viiga, ma ia faaalia le tofā mamao.   Ua fai le Atua ma Tupu i atunuu uma.+ Ua afio foʻi le Atua i luga o lona nofoālii paia.   Ua faapotopoto faatasi ta‘ita‘i o nuu,Faatasi ma tagata o le Atua o Aperaamo. Auā o le Atua e ona ta‘ita‘i* o le lalolagi. Ua matuā faaeaina o ia.+

Faamatalaga Pito i Lalo

Po o le “pū e faia i seu o le mamoe poʻa.”
Po o le “Ia tā ma usuina pese.”
Epe., “talita.”