Salamo 45:1-17
I le faatonu o le ʻaufaimusika o “Lili.” O le fanauga a Koru.+ O le Masekila.* O le pese i le alofa.
45 Ua puna mai i loʻu loto se mea lelei.
Ua ou faapea ifo: “O laʻu pese* e faatatau i se tupu.”+
Ia avea loʻu laulaufaiva ma peni+ a se tusiupu tomai.+
2 Ua sili lava lou aulelei i atalii o tagata.
Ua masaa ifo i ou laugutu upu e logolelei.+
O le mea lea ua faamanuia ai le Atua iā te oe e faavavau.+
3 O oe na le tagata malosi,+ inā fusi ia o lau pelu+ i lou itu,Faatasi ma lou mamalu ma lou matagofie.+
4 O lou matagofie e te alu atu ai ma le manumalo;*+Inā tiʻetiʻe ia i le ala o le upu moni ma le lotomaulalo ma le amiotonu,+Ma e faataunuu e lou aao taumatau mea ofoofogia.*
5 E maamaʻai au aū fanafana, e paʻuʻū ai tagata i ou luma;+E tuia ai loto o fili o le tupu.+
6 O le Atua o lou nofoālii lea e faavavau, faavavau lava;+O le tootoo o lou malo, o le tootoo o le amiotonu* lea.+
7 Ua e fiafia i le amiotonu+ ae ua e ʻinoʻino i le amioleaga.+
O le mea lea ua faauu ai oe e le Atua,+ o lou lava Atua i le suāuu o le olioli+ e sili atu i lo o isi tupu.
8 O ou laʻei uma lava ua manogi e pei o le muro, o le aloe,* ma le kesia;*Ua faafiafiaina foʻi oe i meafaifaaili e iai uaua mai i le maota matagofie ua teuteuina i nifo elefane.
9 O loo iai afafine o tupu i ou tama‘ita‘i tāua.
O loo tū foʻi le masiofo i lou itu taumatau, ua teuteuina i le auro o Ofeira.+
10 Loʻu afafine e, inā faalogo mai ia ma uaʻi mai ma liliu mai ou fofoga;Ia faagalo lou nuu ma le aiga o lou tamā.
11 Ona naunau ai lea o le tupu i lou lalelei,Auā o ia o lou alii,O lea, ia e ifo atu iā te ia.
12 E sau le tama fafine a Turo ma se meaalofa;E saʻilia e tane e sili ona mauʻoa lou finagalo malie.
13 Ua faamamaluina le afafine o le tupu i totonu o le maota;Ua teuteuina lona ofu i auro.
14 E tuuina atu o ia i le tupu i ofu ua lalagaina lelei.*
O taupou o loo mulimuli atu iā te ia, e aumaia i latou i ou luma.
15 E tuuina atu i latou ma le fiafia ma le olioli;E latou te ulu atu foʻi i le maota o le tupu.
16 O le a suitulaga ou alo i ou augātamā.
O le a e tofiaina i latou e fai ma perenise i le lalolagi atoa.+
17 Ou te faalauiloa atu lou suafa i augātupulaga uma o loo fāi mai.+
O le mea lea e vivii atu ai tagata iā te oe e faavavau, faavavau lava.
Faamatalaga Pito i Lalo
^ Tagaʻi i le Uiga o Upu.
^ Epe., “O aʻu galuega.”
^ Po o le “Ma e aʻoaʻoina oe e lou aao taumatau i mea ofoofogia.”
^ Po o le “manuia.”
^ Po o le “faamasinogatonu.”
^ O se laau e iai lona sua manogi ma le suāuu na fai ma faamanogi i taimi o le Tusi Paia. E ese mai le aloe lea o loo taatele i aso nei.
^ O le laau o le kinamoni.
^ Pe atonu “i ofu talaloa ua suʻi ai teuteu.”
