Salamo 42:1-11
I le faatonu o le ʻaufaimusika. O le Masekila* a le fanauga a Koru.+
42 E pei ona naunau o le ʻaila i vaitafe,Ua faapea lo‘u naunau* iā te oe, le Atua e.
2 Ua fia inu loʻu loto i le Atua, o le Atua soifua.+
O afea ea ou te alu atu ai ma faaali atu i luma o le Atua?+
3 Ua avea oʻu loimata ma aʻu meaʻai i le ao ma le pō;Ua faifai mai tagata iā te aʻu i le aso atoa: “O fea o iai lou Atua?”+
4 Ou te manatuaina nei mea, ma ua matuā tigā ai lo‘u loto,Auā sa masani ona matou savavali faatasi ma tagata e toʻatele;Sa masani foʻi ona ou savali lemū i o latou luma i le fale o le Atua,Ma le leo o le alaga fiafia ma le faafetai,O le motu o tagata o loo faia se tausamiga.+
5 Aiseā ua ou atuatuvale ai?+
Aiseā foʻi ua ou lē toʻafilemu ai?
Inā faatalitali ia i le Atua,+Auā ou te vivii atu pea iā te ia o lo‘u Faaola Sili.+
6 Loʻu Atua e, ua ou atuatuvale.+
O le mea lenā ua ou manatua ai oe,+E mai i le laueleele o Ioritana ma tumutumu o Heremoni,E mai i le mauga o Misara.*
7 E valaau atu lea vai loloto i lea vai lolotoE ala i le leo o ou afu.
O ou galu malolosi uma ua lofitūina ai a‘u.+
8 E foa‘i mai e Ieova lona alofa faamaoni i le ao,E iā te aʻu foʻi lana pese i le pō, o se tatalo i le Atua o loʻu ola.+
9 Ou te faapea atu i le Atua o loʻu papa:
“Aiseā ua e faagaloina ai aʻu?+
Aiseā ua ou savali ai ma le faanoanoa ona o sauāga mai i lo‘u fili?”+
10 Ua lilivau o‘u fili ma faifai mai* iā te a‘u;Ua latou faifai mai iā te aʻu i le aso atoa: “O fea o iai lou Atua?”+
11 Aiseā ua ou atuatuvale ai?
Aiseā foʻi ua ou lē toʻafilemu ai?
Inā faatalitali ia i le Atua,+Auā ou te vivii atu pea iā te ia o lo‘u Faaola Sili ma o loʻu Atua.+
Faamatalaga Pito i Lalo
^ Tagaʻi i le Uiga o Upu.
^ Po o le “ona naunau o loʻu loto.”
^ Po o le “tamaʻi mauga.”
^ Pe atonu “E pei ua tuʻimomomo oʻu ivi i le faifai mai o oʻu fili.”
