Salamo 39:1-13
I le faatonu o le ʻaufaimusika o le Iutana.*+ O le pese a Tavita.
39 Na ou faapea ifo: “Ou te leoleo i oʻu alaIna neʻi oʻu agasala i loʻu laulaufaiva.+
Ou te tuu i ai se fusi* e taofi ai loʻu gutu,+A o iai lē e amioleaga i oʻu luma.”
2 Na ou lē magagana ma filemu;+Na ou lē tautala e oo lava i le mea lelei,Ae na ogaoga o‘u tigā.*
3 Na vevela loʻu loto i totonu iā te aʻu.
A o oʻu mafaufau i ai,* na mumū pea le afi.
Ona tautala lea o lo‘u laulaufaiva:
4 “Ieova e, fesoasoani mai ia ou iloa loʻu iʻuga,Ma le fua o oʻu aso,+Ina ia ou iloa ai le puupuu o loʻu ola.
5 Ioe, e itiiti le taimi ua e tuu mai ou te ola ai;*+O le umi foʻi o loʻu ola ua peiseaʻī o se meanoa i ou luma.+
E moni, e ui lava e foliga e tutū mausalī tagata uma, ae ua na o se savili i latou.+ (Selā)
6 E moni, ua fesavaliaʻi solo le tagata e pei o se ata lafoia.
E iʻuvale ana taumafaiga filigā.*
E na te faaputuina ‘oa, ae e lē iloa po o ai o le a olioli ai.+
7 O lea, Ieova e, o le ā se mea ou te faamoemoe i ai?
E na o oe lo‘u faamoemoe.
8 Ia e laveaʻi iā te aʻu mai i aʻu solitulafono uma.+
Aua neʻi e faia aʻu ma tauemuga a le tagata valea.
9 Ua ou lē magagana;Ua lē matala loʻu gutu,+Auā o oe lava na e faia.+
10 Ia e aveesea le mala na e faaoo mai iā te aʻu.
Ua ou vaivai ona ua e faasalaina aʻu.
11 Ua e faasa‘o le tagata i a‘oa‘iga ona o lona sesē;+Ua e faaumatia mea e tāua iā te ia e pei ona faia e se lelefua.*
E moni, o tagata uma ua na o se savili i latou.+ (Selā)
12 Ieova e, ia e faafofoga mai i laʻu tatalo,Ia e faafofoga mai foʻi i laʻu alaga atu mo se fesoasoani.+
Aua neʻi e lē amanaʻia oʻu loimata.
Auā o aʻu o se tagata ese i ou luma,+O aʻu o se tagata faimalaga* e pei o oʻu augātamā uma.+
13 Aua e te silasila mai iā te aʻu i lou to‘asā ina ia ou toe fiafia aiManū ou te leʻi oti, ma ou leai ai.”
Faamatalaga Pito i Lalo
^ Tagaʻi i le Uiga o Upu.
^ Epe., “faagutu.”
^ Po o le “faateteleina loʻu tigā.”
^ Po o le “ōi.”
^ Po o le “ua e faia oʻu aso e pei o le lautele o le alofilima.”
^ Epe., “lona pisapisaō.”
^ O “lelefua” e maua i Isaraelu. O se iniseti e fā ona apaʻau e tai pei o se pepe, ma a o leʻi oo ina maua ona apaʻau, e na te ʻatiʻatia lavalava o tagata.
^ Po o le “tagata aumau.”
