Salamo 33:1-22
33 Ia alalaga fiafia outou o ē e amiotonu ona o Ieova.+
E ono ma tatau foʻi i ē e amio saʻo ona viia o ia.
2 Ia avatu le faafetai iā Ieova i le kitara;*Ia usuina viiga* iā te ia i le meafaifaaili e sefulu uaua.
3 Ia usu atu iā te ia se pese fou;+Ia tāina ma le tomai le meafaifaaili e iai uaua, faatasi ma le alaga fiafia.
4 Auā e saʻo le afioga a Ieova,+Ma e maufaatuatuaina mea uma e na te faia.
5 E fiafia o ia i le amiotonu ma le faamasinogatonu.+
Ua tumu foʻi le lalolagi i le alofa faamaoni o Ieova.+
6 O le afioga a Ieova na faia ai le lagi,+Na faia foʻi mea uma o iai* i le mānava a* lona fofoga.
7 Ua ia faapotopotoina suāsami e pei o se pā puipui;+Ua ia tuu galu maualuluga i fale teuoloa.
8 Ia matataʻu iā Ieova le lalolagi atoa.+
Ia matata‘u foʻi iā te ia i latou o loo nonofo i le laueleele.
9 Auā na fetalai o ia, ona iai lava lea;+Na poloaʻi mai foʻi o ia, ona tū mai lava lea.+
10 Ua faalēaogāina e Ieova o faufauga* a atunuu;+Ua faafenumiaʻi foʻi e ia fuafuaga a* tagata.+
11 Ae e tumau e faavavau faai‘uga* a Ieova;+E tumau foʻi manatunatuga o lona finagalo mai i lea tupulaga i lea tupulaga.
12 E fiafia le nuu e fai Ieova ma o latou Atua,+O le nuu ua ia filifilia e fai ma ona lava tofi.+
13 Ua silasila ifo Ieova mai i le lagi;Ua ia silafia ai le fanau uma a tagata.+
14 Mai i le afioaga o loo ia afio ai,Ua ia silasila ifo ai iā i latou o loo nonofo i le lalolagi.
15 Ua ia faia loto o i latou uma lava;Ua ia su‘esu‘e foʻi i a latou galuega uma.+
16 E lē faaolaina se tupu i se ʻautau e to‘atele;+E lē laveaʻiina foʻi se tagata malosi i le tele o lona malosi.+
17 Aua le faalagolago i le solofanua mo le faaolataga,* e faasesēina ai oe;+E lē mautinoa lona laveaʻiina o se tasi i le tele o lona malosi.
18 Faauta! E silasila fofoga o Ieova iā i latou e matataʻu iā te ia,+O i latou o loo faatalitali i lona alofa faamaoni,
19 Ina ia laveaʻi i latou mai i le oti,Ma ia faaolaina i latou i le oge.+
20 O loo matou faatalitali atu iā Ieova.
O ia o lo matou fesoasoani ma lo matou talita.+
21 Ua olioli o matou loto iā te ia,Auā ua matou faatuatua i lona suafa paia.+
22 Ieova e, ia oo mai iā i matou lou alofa faamaoni,+A o matou faatalitali atu pea iā te oe.+
Faamatalaga Pito i Lalo
^ O se meafaifaaili anamua e ese mai i le kitara i aso nei. O le upu Peretania, o le harp.
^ Po o le “tā ma usuina pese.”
^ Epe., “a latou ‘au uma.”
^ Po o “le agaga o.”
^ Po o “manatu o.”
^ Po o “taupulepulega.”
^ Po o “le pule.”
^ Po o le “manumalo.”
