Salamo 29:1-11
O le pese a Tavita.
29 O outou o atalii o ē e malolosi, ia avatu iā Ieova le mea e tatau iā te ia,Ia avatu iā Ieova le mea e tatau iā te ia ona o lona mamalu ma le malosi.+
2 Ia avatu iā Ieova le mamalu e tatau mo lona suafa.
Ia ifo* atu iā Ieova i ofu paia.*
3 Ua lagona i luga aʻe o vai le siʻufofoga o Ieova;Ua taalili mai le siʻufofoga o le Atua mamalu e pei o se faititili.+
O Ieova o loo i luga aʻe o vai e tele.+
4 E malosi le siʻufofoga o Ieova;+E mālie le siʻufofoga o Ieova.
5 O le siʻufofoga o Ieova ua gauia ai arasi;Ioe, ua gauia e Ieova arasi o Lepanona.+
6 Ua ia faia Lepanona* ia osooso e pei o se tamaʻi povi,O Siriona+ fo‘i e pei o se povi poʻa taanoa.
7 O le siʻufofoga o Ieova e emo ai uila;+
8 O le siʻufofoga o Ieova e tetemū ai le toafa;*+O Ieova e tetemū ai le toafa o Katesa.+
9 O le siʻufofoga o Ieova e tetemū ai le ʻaila ma fanau ai,Ma valevalenoa ai le vaomatua.+
Ma faapea mai ai i latou uma i lona malumalu: “Ia faamamaluina le Atua!”
10 Ua afio Ieova i luga o le lolo;*+Ua afio Ieova o le Tupu e faavavau.+
11 E aumaia e Ieova le malosi i lona nuu.+
E faamanuia foʻi e Ieova lona nuu i le filemu.+
Faamatalaga Pito i Lalo
^ Po o le “tapuaʻi.”
^ Pe atonu “ona o le matagofie o lona tulaga paia.”
^ E foliga mai o atumauga o Lepanona.
^ Tagaʻi i le Uiga o Upu.
^ Po o le “o vai i le lagi.”
