Salamo 24:1-10
-
Ulufale le Tupu mamalu i faitotoʻa
-
“O Ieova e ana le lalolagi” (1)
-
O le pese a Tavita.
24 O Ieova e ana le lalolagi ma mea uma o loo iai,+O le laueleele ma i latou o loo nonofo ai.
2 Auā na ia matuā faavaeina ai i luga o le sami,+Ma matuā faatumauina ai i luga o vaitafe.
3 O ai ea e alu aʻe i le mauga o Ieova,+Ma o ai e tulaʻi atu i lona afioaga paia?
4 O so o se tasi e mamā ona lima ma mamā lona loto,+O lē ua lē faia se tautoga pepelo i Loʻu ola,*E lē tautō faaʻoleʻole foʻi.+
5 E maua e ia faamanuiaga mai iā Ieova+Ma le amiotonu* mai i le Atua o lona faaolataga.+
6 O le tupulaga lenei o i latou o ē e saʻili atu iā te ia,O i latou o ē e saʻili atu i ou fofoga, le Atua e o Iakopo. (Selā)
7 Inā ea ia i luga o outou ulu, outou o faitotoʻa e;+Inā matala ia,* o outou o faitotoʻa mai anamua,Ina ia ulufale atu ai le Tupu mamalu!+
8 O ai ea lenei Tupu mamalu?
O Ieova e malosi ma mamana,+O Ieova o lē e malosi i le taua.+
9 Inā ea ia i luga o outou ulu, outou o faitotoʻa e;+Inā matala ia, o outou o faitotoʻa mai anamua,Ina ia ulufale atu ai le Tupu mamalu!
10 O ai ea o ia, o lenei Tupu mamalu?
O Ieova o ʻau, o ia o le Tupu mamalu.+ (Selā)
Faamatalaga Pito i Lalo
^ E faasino atu i le ola o Ieova lea e tautō ai se tasi.
^ Po o le “faamasinogatonu.”
^ Po o le “Inā tulaʻi ia.”
