Salamo 21:1-13
I le faatonu o le ʻaufaimusika. O le pese a Tavita.
21 Ieova e, ua olioli le tupu i lou malosi;+E matuā olioli o ia i au galuega o le faaolataga!+
2 Ua e foaʻiina iā te ia o mea e naunau i ai lona loto,+E te leʻi taofia foʻi mea na ōle atu ai ona laugutu. (Selā)
3 Ua e foaʻiina iā te ia le tele o faamanuiaga;Ua e faaee i lona ulu le pale o auro lelei.*+
4 Ua ia talosaga atu iā te oe ina ia faafualoa lona ola,Ma ua e faafualoaina lona ola e oo i le faavavau.+
5 Ua tele lona mamalu i au galuega o le faaolataga.+
Ua e faaee i ona luga le malualii ma le matagofie.
6 Ua e tuuina iā te ia le manuia e oo i le faavavau;+Ua e faafiafia foʻi iā te ia i le olioli o loo i ou luma.*+
7 Auā e faatuatua le tupu iā Ieova;+Ona o le alofa faamaoni o Lē e Silisili Ese, e lē tautevateva lava o ia.+
8 E maua e lou aao ou fili uma;E maua foʻi e lou aao taumatau o ē e ita iā te oe.
9 E te faia i latou e pei o se ogaumu aasa i le taimi ua atofaina e te faaali mai ai iā i latou.
E faaumatia e Ieova i latou i lona toʻasā, ma e fano foʻi i latou i le afi.+
10 E te faaumatia mai i le lalolagi o ē e tupuga mai iā i latou,Ma a latou fanau mai i le fanau a tagata.
11 Auā ua latou manatu e faia se mea leaga iā te oe;+Ua latou fafau togafiti e lē taulau manuia.+
12 Auā e te faia i latou ina ia sosola ese+E ala i le ta‘i o lau ʻaufana* iā i latou.*
13 Ieova e, ia tula‘i ia i lou malosi.
E matou te usuina viiga* i lou malosi.
Faamatalaga Pito i Lalo
^ Po o “auro ua faamamāina.”
^ Epe., “i le olioli o ou fofoga.”
^ Epe., “o manoa o le ʻaufana.”
^ Epe., “i o latou foliga.”
^ Epe., “pepese ma fai pesega.”
