Salamo 19:1-14
I le faatonu o le ʻaufaimusika. O le pese a Tavita.
19 Ua faalauiloa mai e le lagi le mamalu o le Atua;+O loo taʻu atu foʻi e le vanimonimo galuega a ona aao.+
2 O lea aso ma lea aso e mapuna mai ai a latou upu,O lea pō ma lea pō e latou te faailoa mai ai le poto.
3 E leai se tala, ma e leai ni upu;Ua lē lagona foʻi o latou leo.
4 Ae ua oo atu o latou leo* i le lalolagi uma,Ma la latou fe‘au i tulu‘iga o le lalolagi.*+
Ua ia faatūina i le lagi se faleʻie mo le lā;
5 E pei le lā o se alii faaipoipo o sau mai i lo la potumoe;E fiafia e pei o se tagata malosi e tamoʻe i le ala.
6 E oso a‘e mai i le tasi tuluʻiga o le lagi,Ma taamilo i le isi tuluʻiga;+Ma e leai se mea e natia mai i lona vevela.
7 E lelei atoatoa le tulafono a Ieova,+ e faafoʻisia ai le malosi.+
E maufaatuatuaina le faamanatuga a Ieova,+ e atamai ai le tagata e leai se poto masani.+
8 E tonu faatonuga mai iā Ieova, e olioli ai le loto;+E mamā le poloaʻiga a Ieova, e malamalama ai mata.+
9 E mamā le mataʻu iā Ieova,+ e tumau e faavavau.
E saʻo faamasinoga a Ieova, e amiotonu uma lava.+
10 E sili atu ona naunau i ai nai lo o le auro,Nai lo o auro lelei e tele,*+E sili atu fo‘i ona suamalie nai lo o le meli,+ o le meli ua sisina ifo mai i faamoega lagomeli.
11 Ma ua lapataʻia ai lau auauna;+E tele foʻi le taui pe a tausi i ai.+
12 O ai ea e na te iloa ni ona sesē?+
Ia e taʻumamāina aʻu mai i agasala na ou faia ma le lē iloa.
13 Ia e taofia foʻi lau auauna mai i gaoioiga faamaualuga;+Aua neʻi tuuina i latou e pule mai iā te aʻu.+
Ona atoatoa ai lea o aʻu,+Ma ou mamā ai mai i agasala matuiā.*
14 Ia mālie iā te oe upu a loʻu gutu ma manatunatuga o loʻu loto+Ieova e, loʻu Papa+ ma Lē e togiolaina aʻu.+
Faamatalaga Pito i Lalo
^ Pe atonu “ua faataatia atu la latou fua.”
^ Po o le “laueleele.”
^ Po o “auro e tele ua faamamāina.”
^ Po o “le tele o solitulafono.”
