Salamo 17:1-15

  • Le tatalo mo le puipuiga

    • “Ua e suʻesuʻeina loʻu loto” (3)

    • “I le paolo o ou apaʻau” (8)

O le tatalo a Tavita. 17  Ieova e, ia e faafofoga mai i la‘u ʻaiʻoi mo le faamasinogatonu;Ia e uaʻi mai i laʻu alaga mo se fesoasoani;Ia e faafofoga mai i laʻu tatalo e lē faia ma le faaʻoleʻole.+   Ia e faia se faai‘uga tonu mo a‘u;+Ia silasila foʻi ou fofoga i le mea ua tonu.   Ua e suʻesuʻeina loʻu loto, ua e asiasi iā te a‘u i le pō;+Ua e faamamāina aʻu;+Ma e maua ai ou te leʻi faufau e fai se mea leaga,Ma e le‘i tautala loʻu gutu i mea leaga.   A o galuega a tagata,Ona o afioga mai i lou fofoga, ua ou ‘alofia ai ala o le tagata faomea.+   Ia savali pea oʻu vae i ou ala,Ina ia lē tautevateva ai oʻu vae.+   Le Atua e, ou te valaau atu iā te oe, auā e te tali mai iā te aʻu.+ Ia liliu mai ou fofoga* iā te aʻu. Ia faafofoga mai i aʻu upu.+   Ia faaalia lou alofa faamaoni i se auala mata‘ina,+Le Faaola o ē e sulufaʻi atu i lou aao taumatauMai i tagata e tetee iā te oe.   Ia e puipui aʻu e pei o le ʻiʻoimata o lou mata;+Ia e natia foʻi aʻu i le paolo o ou apaʻau.+   Ia puipui a‘u mai i tagata amioleaga ua osofaʻia aʻu,Mai i oʻu fili o loo si‘osi‘omia aʻu.+ 10  Ua latou lē toe lagona se mea;*Ua tautatala foʻi o latou gutu i upu faasausili; 11  Ua latou siʻosiʻomia i matou;+Ua latou vaavaai i se avanoa e fai ai se mea e matou te pa‘u‘ū ai.* 12  E pei o ia o se leona o loo naunau e saeia se manu,E pei o se tamaʻi leona o loo faapuna e osofa‘i. 13  Ieova e, inā tulaʻi ia e faafetaiaʻi iā te ia+ ma lafo o ia i lalo;Ia e faasaoina a‘u i lau pelu mai i tagata amioleaga; 14  Ieova e, ia e faasaoina aʻu i lou aao,Mai i tagata o lenei lalolagi,* o ē ua iai lo latou tofi i lenei olaga,+O ē ua e faamalieina i mea lelei ua e saunia,+Ma o ē ua tuuina se tofi mo o latou atalii e to‘atele. 15  A o aʻu, ou te vaavaai atu i ou fofoga i le amiotonu;E faamalieina foʻi aʻu pe a ou ala aʻe i ou luma.*+

Faamatalaga Pito i Lalo

Po o le “Ia punou ifo ma faafofoga mai.”
Po o le “Ua mafiafia o latou loto.”
Po o le “avanoa e lafo ai i matou i le palapala.”
Po o “le faiga o mea a lenei lalolagi.”
Po o le “ala aʻe ma vaai atu iā te oe.”