Salamo 16:1-11

  • O Ieova le Puna o mea lelei

    • “O Ieova o loʻu tofi” (5)

    • “I le pō, e faasaʻoina aʻu e oʻu manatunatuga” (7)

    • ‘O loo iai Ieova i loʻu itu taumatau’ (8)

    • “E te lē tuua aʻu i le Tuugamau” (10)

O le salamo* a Tavita. 16  Le Atua e, ia e puipui mai iā te aʻu, auā ua ou sulufaʻi atu iā te oe.+   Ua ou faapea atu iā Ieova: “O oe lava o Ieova, o le Puna o lo‘u lelei.   Ma le ʻaupaia o loo i le lalolagi,O i latou na o ē e mamalu, ua ou maua ai le fiafia tele.”+   E faateleina tigā o i latou e mulimuli atu i isi atua.+ Ou te lē ofoina atu lava a latou taulaga i meainu o le toto,Pe taʻutaʻuina foʻi o latou igoa i oʻu laugutu.+   O Ieova o loʻu tofi+ ma o laʻu ipu.+ Ua e leoleomalu foʻi i loʻu tofi.   Ua e fuaina mai mo aʻu o mea matagofie. Ioe, ua faamalieina a‘u i loʻu tofi.+   Ou te vivii atu iā Ieova o lē na fautuaina aʻu.+ E oo lava i le pō, e faasaʻoina aʻu e oʻu manatunatuga loloto.*+   Ou te tuu Ieova i oʻu luma e lē aunoa.+ Ou te lē tautevateva foʻi auā o loo iai o ia i loʻu itu taumatau.+   O le mea lea e olioli ai loʻu loto, ma ou te matuā olioli ai foʻi.* Ou te nofo lava* ma le saogalemu. 10  Auā e te lē tuua aʻu i le Tuugamau.*+ E te lē tuua lē ua faamaoni iā te oe ia oo i le lua.*+ 11  Ua e faailoa mai iā te aʻu le ala i le ola.+ O loo i ou luma le tele o le olioli;+O loo i lou itu taumatau le olioli e oo i le faavavau.

Faamatalaga Pito i Lalo

Epe., “mikitamu.” Tagaʻi i le Uiga o Upu.
Po o “oʻu faalogona loloto.” Epe., “oʻu fatugaʻo.”
Epe., “e olioli ai loʻu mamalu.”
Po o le “E nofo loʻu tino.”
Po o “Seoli.” Tagaʻi i le Uiga o Upu.
Pe atonu “ia oo i ai le pala.”