Salamo 148:1-14
148 Ia vivii atu iā Ioa!*
Ia vivii atu iā Ieova mai i le lagi;+Ia vivii atu iā te ia i mea maualuluga.
2 Ia vivii atu iā te ia ana agelu uma.+
Ia vivii atu iā te ia ana ʻau uma.+
3 Ia vivii atu iā te ia le lā ma le masina.
Ia vivii atu iā te ia fetu pupula uma.+
4 Ia vivii atu iā te ia le lagi e sili ona maualuga*Ma vai o loo i luga aʻe o le lagi.
5 Ia latou vivii atu i le suafa o Ieova,Auā na ia poloaʻi mai, ona faia lea o i latou.+
6 Ua ia faatumauina pea i latou e faavavau, faavavau lava;+Ua ia tuuina mai se tulafono e lē mavae atu lava.+
7 Ia vivii atu iā Ieova mai i le lalolagi,O outou meaola lapopoʻa o le sami, ma vai loloto uma.
8 O outou uila ma le uatoʻa, o le kiona ma ao mafiafia,O oe foʻi le matagi malosi o loo faataunuuina lana afioga,+
9 O outou mauga ma aʻega uma,+O outou laau ‘aina e iai fua, ma arasi uma,+
10 O outou manu tataa+ ma manu lalata uma,O outou mea fetolofi ma manufelelei,
11 O outou tupu o le lalolagi ma outou atunuu uma,O outou perenise ma outou faamasino uma o le lalolagi,+
12 O outou tauleleʻa ma outou tama‘ita‘i talavou,*O toeaina atoa foʻi ma tama.*
13 Ia vivii atu i latou i le suafa o Ieova,Auā e na o lona suafa lava e silisili ona maualuga.+
O lona mamalu e sili lea i le lalolagi ma le lagi.+
14 E na te faateleina le malosi* o lona nuu,Ona o le viiga o ona tagata faamaoni uma,O le fanauga a Isaraelu, o le nuu e vavalalata atu iā te ia.
Ia vivii atu iā Ioa!*
Faamatalaga Pito i Lalo
^ Po o le “Aleluia!” O “Ioa” o le faapuupuuga o le suafa o Ieova.
^ Epe., “lagi o lagi.”
^ Epe., “taupou.”
^ Po o le “O ē matutua atoa ma ē lāiti.”
^ Epe., “faamaualugaina le nifo.”
^ Po o le “Aleluia!” O “Ioa” o le faapuupuuga o le suafa o Ieova.
