Salamo 147:1-20
147 Ia vivii atu iā Ioa!*
E lelei ona usuina viiga* i lo tatou Atua;Ma‘eu le matagofie ma le talafeagai o le vivii atu iā te ia!+
2 Ua fausia e Ieova Ierusalema;+Ua ia faapotopotoina faatasi o ē sa taapeape o Isaraelu.+
3 Ua faamālōlō e ia o ē ua lotomomomo;Ua fusifusia e ia o latou manuʻa.
4 Ua ia faitauina le aofaʻiga o fetu;Ua ia valaauina i latou uma i o latou igoa.+
5 E silisili lava lo tatou Alii ma e tele lona mana;+E lē mafaamatalaina foʻi lona atamai.*+
6 Ua faatūina e Ieova ē e agamalu,+Ae ua ia lafo ifo ē e amioleaga i le laueleele.
7 Inā pepese atu ia iā Ieova ma le faafetai;Ia usuina viiga* i lo tatou Atua faatasi ai ma le kitara,
8 O Lē na te ufitia le lagi i ao,O Lē na te saunia le timu mo le laueleele,+O Lē foʻi na te faatupu le mutia i luga o mauga.+
9 E avatu e ia meaʻai i manu,+Ma tamaʻi oreva o loo fetagisi atu mo ni mea‘ai.+
10 E lē fiafia o ia i le malosi o le solofanua;+E lē ofo fo‘i o ia i vae malolosi o se tagata.+
11 E fiafia Ieova iā i latou e matataʻu iā te ia,+O i latou e faatalitali atu i lona alofa faamaoni.+
12 Ierusalema e, ia faamamaluina Ieova.
Siona e, inā vivii atu ia i lou Atua.
13 Ua faamalosia e ia faamaufaalava o faitotoʻa o lou aai;Ua faamanuia e ia lau fanau i totonu iā te oe.
14 Ua ia aumaia le filemu i lou laueleele;+Ua ia faamalieina oe i le saito e sili ona lelei.+
15 Ua auina mai e ia lana poloa‘iga i le lalolagi;Ua tamoʻe vave lana afioga.
16 Ua ia auina mai le kiona e pei o fulufulu mamoe;+Ua ia faataapeape le sautoʻa e pei o le lefulefu.+
17 Ua lafo mai e ia ona uato‘a* e pei o ni fasi mea‘ai.+
O ai e mafai ona tatalia lona mālūlū?+
18 Ua ia auina mai lana afioga ma ua liusuāvai ai.
Ua ia faaagi mai lona matagi,+ ona tatafe ai lea o vai.
19 Ua ia taʻuina atu lana afioga iā Iakopo,O ana tulafono ma ana faamasinoga iā Isaraelu.+
20 E na te leʻi faia faapea i se isi lava atunuu;+E latou te lē iloa lava ana faamasinoga.
Ia vivii atu iā Ioa!*+
Faamatalaga Pito i Lalo
^ Po o le “tā ma usuina pese.”
^ Po o le “Aleluia!” O “Ioa” o le faapuupuuga o le suafa o Ieova.
^ Po o le “malamalama.”
^ Po o le “Ia tā ma usuina pese.”
^ Po o “ana aisa.”
^ Po o le “Aleluia!” O “Ioa” o le faapuupuuga o le suafa o Ieova.
