Salamo 144:1-15
O le pese a Tavita.
144 Tau ina ia viia Ieova loʻu Papa,+O lē na te aʻoaʻoina oʻu lima i le taua,Ma oʻu tamatamaʻilima e fai ai le taua.+
2 O lē e alofa faamaoni iā te aʻu, ma o loʻu ‘olo malosi,O loʻu sulufa‘iga malupuipuia* ma o lē e lavea‘ia a‘u,O loʻu talita ma o Lē ou te sulufaʻi atu i ai,+O Lē na te faatoʻilaloina nuu ona o aʻu.+
3 Ieova e, o ai ea le tagata e te silasila mai ai iā te ia,Ma le atalii o le tagata e te manatu mai ai iā te ia?+
4 O le tagata e tusa ia o se savili;+Ua pei ona aso o le ata lafoia e mavae atu.+
5 Ieova e, ia lolo‘u ifo lou lagi ina ia e afio ifo ai;+Ia e papaʻi atu i mauga ma ia pupusa mai ai le asu.+
6 Ia e faaemo mai uila ma faataapeape le fili;+Ia tafana atu foʻi au aū ma faafenuminumiaʻi ai i latou.+
7 Ia aapa mai ou aao mai i lugā;Ia lavea‘i aʻu ma faaolaina aʻu mai i galu maualuluga,Mai i lima o tagata ese,+
8 O ē e tautatala o latou gutu i tala pepeloMa sisii o latou lima taumatau ina ia tautō ai i mea e lē moni.*
9 Le Atua e, ou te usu atu iā te oe se pese fou.+
Ou te usuina viiga* iā te oe, faatasi ai ma le meafaifaaili e sefulu ona uaua,
10 O Lē e na te avatua le manumalo* i tupu,+O Lē foʻi ua lavea‘iina lana auauna o Tavita mai i le pelu e fasioti ai.+
11 Ia e lavea‘i a‘u ma faaolaina a‘u mai i lima o tagata ese,O ē e tautatala o latou gutu i tala pepeloMa sisii o latou lima taumatau ina ia tautō ai i mea e lē moni.
12 Ona avea lea o o matou atalii e pei o tamaʻi laau ua vave ona tutupu aʻe,O o matou afafine foʻi, e pei o pou tulimanu ua vaneina mo le maota o le tupu.
13 E matuā tutumu o matou fale tuu saito i ituaiga o fua eseese;E faateleina foʻi i le faitau afe ma faitau sefulu afe a matou lafu mamoe i o matou fanua.
14 E totō a matou povi, ae e lē tigāina* pe paʻuʻū a latou tama;E leai foʻi se alaga faanoanoa i o matou nofoaga faitele.
15 E fiafia le nuu o loo faapena i latou!
E fiafia foʻi le nuu e fai Ieova ma o latou Atua!+
Faamatalaga Pito i Lalo
^ Po o le “ʻolo malupuipuia.”
^ Epe., “Ma o o latou lima taumatau, o lima taumatau pepelo ia.”
^ Po o le “tā ma usuina pese.”
^ Po o le “faaolataga.”
^ Po o le “lē saeia o latou ʻafuʻafu.”
