Salamo 142:1-7
O le Masekila.* O le salamo a Tavita a o iai o ia i le ana.+ O le tatalo.
142 Ua ou valaau atu iā Ieova i loʻu leo mo se fesoasoani;+Ua ou ʻaiʻoi atu iā Ieova i loʻu leo mo lona finagalo malie.
2 Ou te sasaa atu i ona luma oʻu popolega;Ou te taʻu atu i ona luma oʻu puapuaga+
3 Ina ua vaivai loʻu loto i totonu iā te aʻu.
Ona e silasila ai lea i oʻu ala.+
O le ala o loo oʻu savali ai,Ua latou natia ai se mailei mo aʻu.
4 Ia e silasila i lo‘u lima taumatau ma silafia aiE leai se tasi ua amanaʻia mai aʻu.+
E leai se mea ou te sola i ai;+E leai foʻi se tasi o manatu mai iā te aʻu.
5 Ieova e, ua ou valaau atu iā te oe mo se fesoasoani.
Ua ou faapea atu: “O oe o loʻu sulufaʻiga,+E na o oe lava o lo‘u faamoemoega* i lenei lalolagi.”
6 Ia e liuliualo mai i laʻu alaga atu mo se fesoasoani,Auā ua matuā faamaulaloina lava a‘u.
Ia e laveaʻi iā te aʻu mai i ē e faasauā mai,+Auā ua sili atu lo latou malolosi nai lo o aʻu.
7 Ia e aveesea aʻu mai i le falepuipuiIna ia ou vivii atu ai i lou suafa.
Tau ina ia siʻomia aʻu e i latou e amiotonuAuā ua e agalelei mai iā te aʻu.
