Salamo 141:1-10
O le pese a Tavita.
141 Ieova e, ua ou valaau atu iā te oe.+
Ia vave ona e afio mai e fesoasoani iā te aʻu.+
Ia e faafofoga mai pe a ou valaau atu iā te oe.+
2 Tau ina ia avea laʻu tatalo e pei o le mea manogi+ ua saunia i ou luma,+O le sisii aʻe foʻi o oʻu lima ia pei o le taulaga i meaʻai* o le afiafi.+
3 Ieova e, ia e tuuina se leoleo i loʻu gutu,Ia e tuu foʻi se leoleo i le faitotoʻa o oʻu laugutu.+
4 Aua neʻi e faatagaina loʻu loto ia naunau atu i se mea leaga,+Ina neʻi matou faia faatasi mea e matuā leaga ma tagata amioleaga;Tau ina ia aua neʻi oʻu ʻai i a latou mea‘ai lelei.
5 Pe a fasia aʻu e lē e amiotonu, o le alofa faamaoni lea;+Pe a ia aʻoaʻia foʻi aʻu, e pei lea o le suāuu i loʻu ulu,+E lē fia teena lava e loʻu ulu.+
Ou te tatalo pea e oo lava i taimi o o latou puapuaga.
6 E ui ina lafotūina o latou faamasino mai i le mato,Ae e faalogo mai le nuu i aʻu upu, auā e mālie ia.
7 E pei ona suatia ma vaevae e se tasi le laueleele,E faapena fo‘i ona salalau o matou ivi i le gutu o le Tuugamau.*
8 Ae ua faasaga atu oʻu mata iā te oe, Ieova e, le Alii Pule Silisili Ese.+
Ua ou sulufaʻi atu iā te oe.
Aua neʻi e aveesea* loʻu ola.
9 Ia e puipui iā te aʻu mai i mailei ua latou faataatitia mo aʻu,Ma matāsele a ē e amioleaga.
10 E paʻuʻū faatasi uma o ē e amioleaga i a latou lava upega,+Ae ou te sao mai ai.
Faamatalaga Pito i Lalo
^ Po o “taulaga i fatu.” Tagaʻi i le faamatalaga pito i lalo o le Levitiko 2:1.
^ Po o “Seoli.” Tagaʻi i le Uiga o Upu.
^ Po o le “sasaaina atu.”
