Salamo 140:1-13
I le faatonu o le ʻaufaimusika. O le pese a Tavita.
140 Ieova e, ia e laveaʻi iā te aʻu mai i tagata leaga;Ia e puipui iā te aʻu mai i tagata sauā,+
2 O i latou e faufau mea leaga i o latou loto+Ma faatupu fevaevaea‘iga i le aso atoa.
3 Ua latou faamaʻai o latou laulaufaiva e pei o se gata;+Ua i lalo o o latou laugutu le mea oona a le gata.*+ (Selā)
4 Ieova e, ia e puipui iā te aʻu mai i lima o lē e amioleaga;+Ia e leoleo iā te aʻu mai i tagata sauā,O ē ua faufau ina ia ou tautevateva.
5 Ua natia e i latou e faasausili le mailei mo aʻu;Ua latou fofola se upega i tafatafa o le auala.+
Ua latou faataatitia mailei mo aʻu.+ (Selā)
6 Ua ou faapea atu iā Ieova: “O oe o loʻu Atua.
Ieova e, ia e faafofoga mai i aʻu ʻaiʻoiga mo se fesoasoani.”+
7 Ieova e, le Alii Pule Silisili Ese, o loʻu Faaola malosi,Ua e puipuia loʻu ulu i le aso o le taua.+
8 Ieova e, aua e te avatua mea e manaʻo i ai le tagata amioleaga.
Aua foʻi e te faataulauina a latou faufauga, ina neʻi faasilisilia ai i latou.+ (Selā)
9 Tau ina ia ufitia ulu o i latou o loo siʻosiʻomia aʻuI upuleaga mai i o latou laugutu.+
10 Tau ina ia to‘ulu ifo malala ola i o latou luga.+
Tau ina ia lafo ifo i latou i le afi,I lua loloto,*+ ma lē toe tutū ai lava i luga.
11 Tau ina ia lē maua e le tagata taufaaleaga se nofoaga i le lalolagi.*+
Tau ina ia tuliloa e mea leaga tagata faasauā ma fasiotia i latou.
12 Ua ou iloa e puipuia e Ieova lē e faatauvaa+Ma faia le faamasinogatonu mo lē e mativa.
13 E moni lava e faafetai atu i lou suafa tagata amiotonu;E nonofo foʻi i ou luma o ē e amio saʻo.+
Faamatalaga Pito i Lalo
^ Po o “le gata e iai tamaʻi seu.”
^ Po o “lua e iai vai.”
^ Po o le “i le laueleele.”