Salamo 14:1-7
I le faatonu o le ʻaufaimusika. O le salamo a Tavita.
14 Ua faapea ifo le tagata valea i lona loto:
“E leai se Ieova.”+
Ua latou faia faiga pi‘opi‘o, ua inosia foʻi a latou feutagaʻiga ma isi;E leai se tasi ua faia se mea lelei.+
2 Ae ua silasila ifo Ieova mai i le lagi i le fanau a tagata,Ina ia silafia ai pe e iai se tasi e iai le tofā mamao, po o sē e saʻili iā Ieova.+
3 Ua liliuese i latou uma;+Ua tutusa uma lo latou faapiʻopiʻo.
E leai se tasi ua faia se mea lelei,E leai lava ma se tasi.
4 Po ua lē malamalama ea i latou uma e faia mea sesē?
Ua latou ʻaina loʻu nuu e pei ona ʻaina o meaʻai.
Ua latou lē valaau atu iā Ieova.
5 Ae o le a matuā fefefe i latou,+Auā o loo faatasi Ieova i le tupulaga o ē e amiotonu.
6 O outou o ē fai mea sesē, ua outou taumafai e faalēaogā fuafuaga a lē e faatauvaa,Ae o Ieova o lona sulufaʻiga lea.+
7 E! pe ana mai i Siona le faaolataga o Isaraelu.+
Pe a toe faafoʻisia e Ieova lona nuu na aveina faapagota,Inā olioli ia Iakopo, ma ia olioli foʻi Isaraelu.
