Salamo 137:1-9
137 Na matou nonofo i auvai o vaitafe o Papelonia.+
Na matou fetagisi ina ua manatua Siona.+
2 Na matou tautau ai i inā* i luga o laau o le garavaA matou kitara.+
3 Auā o i latou na aveina faapagota i matou, ua latou fesili mai mo se pese,+O i latou na faifai mai ina ia toē iā i matou, ua faapea mai:
“Ia outou usu mai iā i matou se pese o Siona.”
4 E faapefea ona matou usuina le pese a IeovaI se laueleele ese?
5 Ierusalema e, afai e galo oe iā te aʻu,Ia galo lava i* loʻu lima taumatau.+
6 Ia pipii aʻe loʻu laulaufaiva i loʻu gutuPe afai ou te lē manatuaina oe,Pe afai foʻi ou te lē faasili IerusalemaI mea uma ou te matuā fiafia i ai.+
7 Ieova e, ia e manatuaLe tala a le fanauga a Etoma i le aso na faatafuna ai Ierusalema, e faapea:
“Ia lepetia! Ia lepetia e oo lava i ona faavae!”+
8 Le tama fafine a Papelonia e, o lē o le a faatafunaina,+E fiafia o lē e na te tauia oeE tusa ma mea na e faapuapuagatia ai i matou.+
9 E fiafia lē e aveina lau fanauMa nutipala i latou i le papa.+
