Salamo 135:1-21
135 Ia vivii atu iā Ioa!*
Ia vivii atu i le suafa o Ieova;O outou o auauna a Ieova, inā ofo atu ia viiga,+
2 O outou o loo tutū i le fale o Ieova,I lotoā o le fale o lo tatou Atua.+
3 Ia vivii atu iā Ioa, auā e lelei Ieova.+
Ia usu viiga* i lona suafa, auā o le mea matagofie lea.
4 Auā ua filifili e Ioa Iakopo e fai mo ia,O Isaraelu foʻi e fai ma ona nuu faapitoa.*+
5 Auā ua ou iloa lelei e sili lava Ieova;E sili atu lo tatou Alii nai lo o isi atua uma.+
6 Ua faia e Ieova mea uma ua ia finagalo i ai+I le lagi ma le lalolagi, i le sami foʻi ma mea loloto uma.
7 Ua ave aʻe e ia o ao i le lagi* mai i tuluʻiga o le lalolagi;Ua faia e ia o uila* mo le timu;Ua aumaia e ia le matagi mai i ona fale teuoloa.+
8 Na ia fasia ulumatua a Aikupito,O tagata atoa ma manu.+
9 Aikupito e, na auina atu e ia faailoga ma vavega iā te oe,+E faasaga iā Farao ma ana auauna uma.+
10 Na ia fasia le tele o atunuu+Ma fasiotia tupu malolosi,+
11 O Sekono le tupu o tagata Amorī,+O Oko le tupu o Vasana,+Ma malo uma o Kanana.
12 Na ia avatua lo latou laueleele e fai ma tofi,O se tofi iā Isaraelu lona nuu.+
13 Ieova e, e tumau e faavavau lou suafa.
Ieova e, e tumau ona ta‘uta‘ua oe* i augātupulaga uma.+
14 Auā e puipuia e Ieova lona nuu,+E tigā alofa foʻi o ia i ana auauna.*+
15 O tupua o atunuu e faia i siliva ma auro,O galuega ia a lima o tagata.+
16 E fai o latou gutu, ae e lē tautatala;+E fai o latou mata, ae e lē vāai;
17 E fai o latou taliga, ae e lē faalogo.
E leai foʻi se mānava i o latou gutu.+
18 O i latou e faia tupua, e pei lava i latou o na mea,+E faapea fo‘i i latou uma e faatuatua i ai.+
19 Le aiga o Isaraelu e, ia vivii atu iā Ieova.
Le aiga o Arona e, ia vivii atu iā Ieova.
20 Le aiga o Levi e, ia vivii atu iā Ieova.+
O outou o ē e matataʻu iā Ieova, ia vivii atu iā Ieova.
21 Tau ina ia viia Ieova mai i Siona,+O Lē o loo afio i Ierusalema.+
Ia vivii atu iā Ioa!+
Faamatalaga Pito i Lalo
^ Po o le “Aleluia!” O “Ioa” o le faapuupuuga o le suafa o Ieova.
^ Po o le “Ia tā ma usuina pese.”
^ Po o le “ana oloa tāua.”
^ Po o “ausa.”
^ Pe atonu “o faitotoʻa.”
^ Po o “lou suafa.” Epe., “lau faamanatuga.”
^ Po o le “E faanoanoa foʻi o ia mo ana auauna.”
