Salamo 132:1-18
O le Pese a Ē Ō Aʻe i le Aai.
132 Ieova e, ia e manatua TavitaMa ona mafatiaga uma;+
2 Na ia tautō iā Ieova,Na ia tautō foʻi i le Atua Mamana o Iakopo:+
3 “Ou te lē ulu atu lava i lo‘u faleʻie, o loʻu fale.+
Ou te lē taoto foʻi i loʻu moega;
4 E lē mafai ona moe oʻu mata,Pe tautulemoe foʻi oʻu laumata
5 Seʻia ou maua se mea e afio ai Ieova,O se maota matagofie* mo le Atua Mamana o Iakopo.”+
6 Faauta! Ua matou faalogo i ai i Efarata;+Ua matou mauaina foʻi i fanua o le vaomatua.+
7 Ia tatou ō atu i lona maota;*+Ia tatou ifo atu i le mea e tū ai ona aao.+
8 Ieova e, inā e tulaʻi ia ma ulufale atu i le mea e te afio ai,+O oe ma le Atolaau o lou malosi.+
9 Tau ina ia oofu au ositaulaga i le amiotonu,Ma ia alalaga fiafia ou tagata faamaoni.
10 Ona o lau auauna o Tavita,Aua neʻi e teena* lē ua e faauuina.+
11 Na tautō Ieova iā Tavita;E faataunuu lava e ia lana afioga:
“Ou te faanofo i lou nofoāliiSe tasi o lau fanau.*+
12 Afai e tausia e lau fanau laʻu feagaigaMa aʻu faamanatuga ou te aʻoaʻoina ai i latou,+O le a nonofo foʻi a latou fanauI lou nofoālii e faavavau.”+
13 Auā ua filifilia e Ieova Siona;+Ua naunau lava i ai o ia e fai ma ona afioaga:+
14 “O le mea lenei ou te nofo ai e faavavau;Ou te nofo ai i inei,+ auā ua ou naunau lava i ai.
15 Ou te matuā faamanuia i ai i meaʻai;Ou te faamaoona foʻi ona tagata matitiva i meaʻai.+
16 Ou te faaofuina ana ositaulaga i le faaolataga,+E alalaga fiafia foʻi ona tagata faamaoni.+
17 Ou te faatupuina ai i inā le malosi* o Tavita.
Ou te saunia ai foʻi se molī mo lē ua ou faauuina.+
18 Ou te faaofuina ona fili i le māsiasi,Ae o le a manuia le palealii i luga o lona ulu.”+
