Salamo 122:1-9
O le Pese a Ē Ō Aʻe i le Aai. O le salamo a Tavita.
122 Na ou fiafia ina ua latou fai mai iā te aʻu:
“Inā tatou ō ia i le fale o Ieova.”+
2 O lenei, ua tutū o matou vaeI totonu o ou faitotoʻa, Ierusalema e.+
3 Ua fausia Ierusalema o se aaiE malosi ma autasi.+
4 Ua ō aʻe i ai ituaiga,O ituaiga o Ioa,*E tusa ai ma faamanatuga iā Isaraelu,Ina ia faafetai atu i le suafa o Ieova.+
5 Auā o i inā na faavae ai nofoālii e fai ai faamasinoga,+O nofoālii o le aiga o Tavita.+
6 Inā talosaga atu ia mo le filemu o Ierusalema.+
Le aai e, o le a malupuipuia i latou e alolofa iā te oe.
7 Tau ina ia iai pea le filemu i totonu o ou pā puipui,O le saogalemu foʻi i totonu o ou ʻolo malolosi.
8 Ou te faapea atu ona o oʻu uso ma aʻu aumea:
“Ia iā te oe le filemu.”
9 Ona o le fale o Ieova lo tatou Atua,+Ou te saʻili ai mea lelei mo oe.
Faamatalaga Pito i Lalo
^ O “Ioa” o le faapuupuuga o le suafa o Ieova.
