Salamo 12:1-8
-
O le a tulaʻi Ieova e gaoioi
-
E mamā afioga a le Atua (6)
-
I le faatonu o le ʻaufaimusika mo meafaifaaili o nota maulalo.* O le pese a Tavita.
12 Ieova e, ia e faaola mai iā te aʻu, auā ua lē toe iai ni tagata faamaoni;Ua mavae atu ē faamaoni mai i tagata.
2 Ua tautatala o le tasi i le isi i mea pepelo;Ua faa‘ole‘ole o latou laugutu* ma tautatala ma le faalotolotolua.+
3 E vavaeese e Ieova laugutu faa‘ole‘ole uma,Ma laulaufaiva e tautatala faasausili,+
4 O ē ua faapea mai: “O o tatou laulaufaiva e tatou te mālō ai.
E pule i tatou i upu e fai i o tatou laugutu;O ai sē e pule mai iā i tatou?”+
5 “Ona ua faileagaina ē ua mafatia,Ona o le mapuitigā foʻi o ē ua matitiva,+O le a ou tulaʻi ai nei,” ua fetalai mai ai Ieova.
“O le a ou faasaoina i latou mai i ē e faatauemu iā i latou.”
6 O afioga a Ieova e mamā ia;+E pei o le siliva ua faamamāina i le ogaumu,* e faafitu ona faamamāina.
7 O oe Ieova e, e te leoleoina i latou;+E te puipuia i latou taʻitoʻatasi mai i lenei tupulaga e oo i le faavavau.
8 Ua feoaʻi ma le sa‘oloto tagata amioleaga,Auā ua faasilisili e le fanau a tagata le amioleaga.+
Faamatalaga Pito i Lalo
^ Epe., “i Seminita.” Tagaʻi i le Uiga o Upu.
^ Epe., “tautatala ma laugutu molemole.”
^ Pe atonu “i le ogaumu i le eleele.”
