Salamo 118:1-29
118 Ia faafetai atu iā Ieova, auā e lelei o ia;+E tumau e faavavau lona alofa faamaoni.
2 Ia faapea atu nei Isaraelu:
“E tumau e faavavau lona alofa faamaoni.”
3 Ia faapea atu nei le aiga o Arona:
“E tumau e faavavau lona alofa faamaoni.”
4 Ia faapea atu foʻi i latou e matataʻu iā Ieova:
“E tumau e faavavau lona alofa faamaoni.”
5 Na ou valaau atu iā Ioa* i oʻu puapuaga;Na tali mai Ioa ma aumaia aʻu i se mea saogalemu.*+
6 O loo ʻau Ieova ma aʻu; ou te lē fefe lava.+
O le ā se mea e mafai ona faia e tagata iā te aʻu?+
7 O loo ʻau Ieova ma aʻu e fai ma fesoasoani iā te aʻu;*+Ou te vaai fo‘i i le to‘ilalo o ē e ita mai iā te aʻu.+
8 E sili atu ona lelei le sulufaʻi iā IeovaNai lo o le faatuatua atu i tagata.+
9 E sili atu foʻi ona lelei le sulufaʻi iā IeovaNai lo o le faatuatua atu i perenise.+
10 Na siʻomia aʻu e atunuu uma,Ae o le suafa o Ieova,Na ou tutuliesea ai i latou.+
11 Na latou siʻomia aʻu, ioe, na latou matuā siʻomia aʻu,Ae o le suafa o Ieova,Na ou tutuliesea ai i latou.
12 Na latou siʻomia aʻu e pei o pi,Ae na vave faaumatia i latou e pei o vao tuitui ua faaumatia i le afi.
Ae o le suafa o Ieova,Na ou tutuliesea ai i latou.+
13 Na matuā tūleia aʻu* ina ia ou paʻū ai,Ae na fesoasoani mai Ieova iā te aʻu.
14 O Ioa o loʻu malu ma loʻu malosi,Ua avea fo‘i o ia ma oʻu faaolataga.+
15 O le leo o le alaga fiafia ma le faaolataga*O loo i faleʻie o ē e amiotonu.
E faia e le aao taumatau o Ieova mea mamana.+
16 Ua faaeaina le aao taumatau o Ieova;E faia e le aao taumatau o Ieova mea mamana.+
17 Ou te lē oti, ae ou te ola pea,Ina ia ou folafola atu galuega a Ioa.+
18 Na matuā aʻoaʻia aʻu e Ioa,+Ae e na te leʻi tuuina atu aʻu i le oti.+
19 Ia tatala mai iā te aʻu faitotoʻa o le amiotonu;+Ou te ulufale atu ai ma vivii iā Ioa.
20 O le faitotoʻa lenei o Ieova.
E ulufale atu ai ē e amiotonu.+
21 Ou te vivii atu iā te oe, auā na e tali mai iā te aʻu+Ma ua avea oe ma oʻu faaolataga.
22 O le maa lea na tuulafoaʻiina e tufuga,Ua avea ma maa tulimanu sili.+
23 E mai iā Ieova lenei mea;+E ofoofogia i la tatou vaai.+
24 O le aso lenei ua faia e Ieova;E tatou te olioli ma fiafia ai.
25 Faamolemole Ieova e, e matou te ‘ai‘oi atu ina ia e faaolaina i matou!
Faamolemole Ieova e, ia e foa‘i mai iā i matou le manumalo!
26 Ia manuia lē e afio mai i le suafa o Ieova;+E mai i le fale o Ieova, e matou te faamanuia atu iā te outou.
27 O Ieova o le Atua;E foaʻi mai e ia le malamalama iā i tatou.+
Inā auai ia i le solo o le tausamiga ma lālā laau i o outou lima,+E oo atu lava i seu o le fata faitaulaga.+
28 O oe o loʻu Atua, ma ou te vivii atu iā te oe;Loʻu Atua e, ou te faaeaina oe.+
29 Inā faafetai atu ia iā Ieova,+ auā e lelei o ia;E tumau e faavavau lona alofa faamaoni.+
Faamatalaga Pito i Lalo
^ O “Ioa” o le faapuupuuga o le suafa o Ieova.
^ Po o “se mea lautele.”
^ Pe atonu “O loo faatasi Ieova ma i latou o loo fesoasoani mai iā te aʻu.”
^ Pe atonu “Na e matuā tūlei mai iā te aʻu.”
^ Po o le “manumalo.”
