Salamo 116:1-19
116 Ou te alofa iā Ieova,Auā e faafofoga mai o ia* i loʻu leo, o aʻu ʻaiʻoiga mo se fesoasoani.+
2 Auā e faafofoga mai o ia* iā te aʻu,+Ou te valaau atu fo‘i iā te ia i aso uma o loʻu ola.
3 Na si‘osiʻomia aʻu e maea o le oti;Na maua aʻu e puapuaga o le Tuugamau.*+
Na lofitūina a‘u i puapuaga ma mafatiaga.+
4 Ae na ou valaau i le suafa o Ieova:+
“Ieova e, ia e lavea‘iina a‘u!”
5 O Ieova e tigā alofa* ma e amiotonu;+O lo tatou Atua e alofa mutimutivale.+
6 O loo leoleo e Ieova i latou e leai se poto masani.+
Na faamaulaloina a‘u, ma na ia faaolaina aʻu.
7 Ia ou toe maua le mapusaga,Auā ua agalelei mai Ieova iā te aʻu.
8 Ua e laveaʻiina aʻu mai i le oti,O oʻu mata neʻi tagi, ma oʻu vae neʻi tautevateva.+
9 Ou te savali i luma o Ieova i le nuu o ē e ola.
10 Na ou tautala atu ona o loʻu faatuatua;+Na ou matuā mafatia lava.
11 A o aʻu, na ou popolevale ma faapea atu:
“E pepelo tagata uma.”+
12 O le ā se mea ou te totogi atu iā IeovaOna o mea lelei uma ua ia faia mo aʻu?
13 Ou te ave aʻe le ipu o le faaolataga,*Ma ou valaau atu i le suafa o Ieova.
14 Ou te totogi atu iā Ieova mea na ou tautō aiI luma o lona nuu uma.+
15 E tautele i le silafaga a IeovaLe oti o ona tagata faamaoni.+
16 Ieova e, ou te ʻaiʻoi atu iā te oe,Auā o aʻu o lau auauna.
O aʻu o lau auauna, o le tama tama a lau teine pologa.
Ua e tatalaina oʻu noanoataga.+
17 Ou te ofo atu iā te oe le taulaga o le faafetai;+Ou te valaau atu i le suafa o Ieova.
18 Ou te totogi atu iā Ieova mea na ou tautō ai+I luma o lona nuu uma,+
19 I lotoā o le fale o Ieova,+I totonu o oe Ierusalema e.
Ia vivii atu iā Ioa!*+
Faamatalaga Pito i Lalo
^ Pe atonu “Ou te alofa auā e faafofoga mai Ieova.”
^ Po o le “punou ifo o ia ina ia faafofoga mai.”
^ Po o “Seoli.” Tagaʻi i le Uiga o Upu.
^ Po o le “alofa fua.”
^ Po o le “faaolataga tele.”
^ Po o le “Aleluia!” O “Ioa” o le faapuupuuga o le suafa o Ieova.
