Salamo 106:1-48
106 Ia vivii atu iā Ioa!*
Ia faafetai atu iā Ieova, auā e lelei o ia;+E tumau e faavavau lona alofa faamaoni.+
2 O ai e mafai ona taʻutaʻu atu atoatoa galuega mamana a Ieova,Pe faalauiloa atu ana galuega silisili uma?+
3 E fiafia i latou e gaoioi ma le faamasinotonu,O ē e faia le amiotonu i taimi uma.+
4 Ieova e, ia e manatua mai aʻu pe a faaalia mai lou finagalo malie i lou nuu.+
Ia e tausi mai iā te aʻu i lau faaolataga,
5 Ina ia ou manuia ai i le lelei na e faaalia i ē na e filifilia,+Ina ia ou fiafia faatasi ai ma lou nuu,Ina ia ou mitamita ai e viia oe* faatasi ma lou tofi.
6 Ua matou agasala e pei lava o o matou augātamā;+Ua matou faia mea sesē; ma ua amioleaga lava i matou.+
7 E leʻi talisapaia e o matou augātamā i Aikupito au galuega ofoofogia.
E latou te leʻi manatua le tele o lou alofa faamaoni,Ae na latou fouvale i tala ane o le sami, o le Sami Ulaula.+
8 Ae na ia faaolaina i latou ona o lona suafa,+Ina ia faailoa atu ai lona mana.+
9 Na ia aʻoaʻia le Sami Ulaula, ma na mātūtū ai;Na ia ta‘ita‘ia i latou i mea loloto o le sami, e pei ona savavali i se toafa;+
10 Na ia faaolaina i latou mai i le lima o lo latou fili+Ma toe faafoʻisia i latou mai i le lima o le fili.+
11 Na lofia e vai o latou fili;E leai foʻi se tasi o i latou na faasaoina.*+
12 Ona latou faatuatua lea i lana folafolaga;+Na latou pepese i ona viiga.+
13 Peitaʻi, na vave ona galo iā i latou mea na ia faia;+E latou te leʻi faatalitali i lana fautuaga.
14 Na latou lolo i o latou tuʻinanauga manatu faapito i le toafa;+Na latou tofotofo i le Atua i le toafa.+
15 Na ia foaʻiina atu iā i latou mea na latou talosaga atu ai,Ona ia faatupuina lea o se faamaʻi tino vale iā i latou ma feoti ai.+
16 Na latou lotoleaga iā Mose i le togālauapiMa Arona,+ le tagata paia o Ieova.+
17 Ona faamaga lea o le eleele ma folo ai Tatano,Ma ufitia ai ē na faapotopoto ma Apiramo.+
18 Ona mumū ai lea o le afi i lo latou faapotopotoga;Na faaumatia i le afi ē e amioleaga.+
19 Na latou faia foʻi se tamaʻi povi i HorepaMa ifo ai i le tupua uʻamea;+
20 Ona latou suia lea o loʻu mamaluI le faatusa o se povi poʻa e ʻai vao.+
21 Na galo iā i latou le Atua+ o lo latou Faaola,O lē na faia mea tetele i Aikupito,+
22 O galuega ofoofogia i le nuu o Hamo,+Ma mea mataʻutia i le Sami Ulaula.+
23 Na toetoe lava faatonuina e ia lo latou faaumatiaga,Peita‘i na ‘ai‘oi atu iā te ia* Mose, o lē na ia filifiliaIna ia faaliliuese lona toʻatamaʻi e faafanoina ai.+
24 Na latou ʻinoʻino i le nuu matagofie;+Na latou lē faatuatua foʻi i lana folafolaga.+
25 Na latou muimui pea i o latou faleʻie;+E latou te leʻi faalogo foʻi i le siʻufofoga o Ieova.+
26 Ona sii lea o lona aao i se tautoga iā i latou,E na te faaumatia i latou i le toafa;+
27 E na te faaumatia o ē e tupuga mai iā i latou o loo i atunuu,Ma e na te faataapeape i latou i nuu.+
28 Ona latou aufaatasi atu lea e tapua‘i* iā Paala o Peoro+Ma latou aai i taulaga e osi atu i ē ua oti.*
29 Na latou faatupu Lona ita e ala i a latou gaoioiga,+Ona oo mai ai lea o se faamaʻi iā i latou.+
30 Ae ina ua tulaʻi Fineaso ma faalaa ane,Ona taofia ai lea o le faamaʻi.+
31 Sa silasila le Atua iā te ia o lē e amiotonu ona o lea meaI tupulaga uma e oo i le faavavau.+
32 Na latou faatupu Lona ita i le vai o Meripa,*O lea na oo ai se mea leaga iā Mose ona o i latou.+
33 Na latou faaʻonoʻono i lona lotoMa na soona tautala ai ona laugutu.+
34 E latou te leʻi faaumatia nuu,+E pei ona faatonuina ai i latou e Ieova.+
35 Ae na latou miomiō pea ma nuu+Ma mulimuli i* o latou ala.+
36 Na latou auauna atu pea i o latou tupua,+Ma na avea nei mea ma mailei iā i latou.+
37 Na latou fai o latou atalii ma o latou afafineMa taulaga i temoni.+
38 Na latou sasaa pea le toto o ē e lē sala,+O le toto o o latou lava atalii ma afafine,O ē na latou faia ai taulaga i tupua o Kanana;+Ona leaga ai lea o le laueleele i le toto masaa.
39 Na lē mamā foʻi i latou i mea na latou faiaMa na latou faia faiga faatalitane faaleagaga.+
40 Ona matuā toʻasā ai lea o Ieova i lona nuu,Ma ua ʻinoʻino o ia i lona tofi.
41 Na ia tuuina atu pea i latou i lima o atunuu,+Ina ia pule iā i latou o ē e ita iā i latou.+
42 Na faasauā o latou fili iā i latou,Ma faatoʻilaloina ai i latou i la latou pule.*
43 E tele taimi na ia laveaʻia ai i latou,+Peitaʻi, na latou fouvale ma lē usiusitaʻi,+Ma na faalumaina i latou ona o a latou mea sesē.+
44 Ae ua silasila mai o ia i o latou puapuaga+Ma faafofoga mai i la latou alaga atu mo se fesoasoani.+
45 Na ia manatua lana feagaiga ona o i latou,Ma tigā alofa* iā i latou ona o le tele o lona alofa faamaoni.+
46 Na ia tuuina atu i latou ina ia alofagiaE i latou uma o ē na aveina faapagota i latou.+
47 Ieova e, lo matou Atua, ia e faaolaina i matou,+Ma ia faapotopoto iā i matou mai i nuu+Ina ia matou faafetai atu i lou suafa paiaMa vivii atu ma le olioli iā te oe.*+
48 Tau ina ia viia Ieova le Atua o IsaraeluSe‘ia oo lava i le faavavau.*+
Ma ia faapea mai le nuu uma, “Amene!”*
Ia vivii atu iā Ioa!*
Faamatalaga Pito i Lalo
^ Po o le “Aleluia!” O “Ioa” o le faapuupuuga o le suafa o Ieova.
^ Po o le “mitamita ai e faatatau iā te oe.”
^ Po o le “totoe.”
^ Epe., “na tū i le vā i ona luma.”
^ E faasino atu i taulaga e osi atu i tagata oti po o atua e leai ni ola.
^ Po o le “aufaatasi atu lea.”
^ Lona uiga “Finauga.”
^ Po o le “aʻoaʻoina.”
^ Epe., “i o latou lima.”
^ Po o le “faanoanoa.”
^ Po o le “Ma olioli i lou viiga.”
^ Po o le “E mai i le vavau e oo i le faavavau.”
^ Po o le “O lea lava!”
^ Po o le “Aleluia!” O “Ioa” o le faapuupuuga o le suafa o Ieova.
