Salamo 101:1-8
O le pese a Tavita.
101 Ou te pese e uiga i le alofa faamaoni ma le faamasinotonu.
Ieova e, ou te usuina viiga* iā te oe.
2 Ou te gaoioi ma le faautauta ma le lē taʻuleagaina.*
O afea ea e te afio mai ai iā te aʻu?
Ou te savali ma le faamaoni o loʻu loto+ i totonu o loʻu fale.
3 Ou te lē tuu i oʻu luma se mea e lē aogā.
Ua ou ʻinoʻino i gaoioiga a ē ua liliuese mai i le ala saʻo;+Ou te matuā faamamao ese mai iā i latou.*
4 E mamao ese mai iā te aʻu o lē ua faapiʻopiʻo lona loto;Ou te lē talia* foʻi se mea leaga.
5 O lē e faalilolilo ona tautala taufaaleaga i lona tuaoi,+Ou te faafilemuina* o ia.
O lē e fia matamuamua ma lotofaasausili,Ou te lē faapalepale iā te ia.
6 Ou te vaai atu i ē e faamaoni o le lalolagi,Ina ia latou nonofo faatasi ma aʻu.
O lē ua savali ma le lē taʻuleagaina,* e auauna mai o ia iā te aʻu.
7 E leai se tagata taufaaʻoleʻole e nofo i loʻu fale,E lē tū foʻi i oʻu luma se tagata pepelo.
8 I taeao uma, ou te faafilemuina* ai tagata amioleaga uma o le lalolagi,Ina ia soloiesea ai mai i le aai o Ieova tagata uma e faia mea sesē.+
Faamatalaga Pito i Lalo
^ Po o le “tā ma usuina pese.”
^ Po o “le faamaoni.”
^ Po o le “E lē pipii mai iā te aʻu a latou gaoioiga.”
^ Epe., “lē iloa.”
^ Po o le “faaumatia.”
^ Po o “le faamaoni.”
^ Po o le “faaumatia.”
