Salamo 10:1-18

  • O Ieova le fesoasoani o ē e leai se fesoasoani

    • E faapea mai le tagata amioleaga: “E leai se Atua” (4)

    • E liliu atu iā Ieova lē ua leai se fesoasoani (14)

    • “O Ieova o le Tupu e faavavau” (16)

ל [Lameta] 10  Ieova e, aiseā ea ua e tūtū mamao ai? Aiseā ua e lafi ai i taimi o o matou puapuaga?+   Ua matuā tulituliloa e le tagata amioleaga lē ua leai se fesoasoani,+Ae e maileia o ia i togafiti ua ia fafauina.+   Auā ua mimita le tagata amioleaga i ona lava tuʻinanauga manatu faapito,+Ma ua faamanuia i lē e matape‘ape‘a;*נ [Nuna]Ua lē faaaloalo o ia iā Ieova.   O le faamaualuga o le tagata amioleaga, ua lē sa‘ili‘ili ai o ia;O ona manatu uma lava e faapea: “E leai se Atua.”+   E taulau manuia pea ona ala,+Ae o au faamasinoga e matuā lē malamalama ai o ia;+E ʻataʻata faatauemu o ia i ē uma e ita iā te ia.   Ua faapea ifo o ia i lona loto: “Ou te lē tautevateva* lava;Auā e lē oo mai se mala iā te aʻu+I lea tupulaga ma lea tupulaga.” פ [Pe]   Ua tumu lona gutu i le fetuu, o pepelo, ma faamata‘uga;+Ua tautala foʻi lona laulaufaiva i mea e tutupu ai faalavelave ma mea e tigā ai.+   E faatalitali o ia i le mea e lalafi ai e latalata i nuu;E na te fasiotia lē ua lē sala i nofoaga lilo.+ ע [Oina] E vaavaai foʻi ona mata mo se tasi ua tigāina.+   E faatalitali o ia i le nofoaga lilo e pei o se leona i le mea e lafi ai.+ E faatalitali o ia e pu‘ea lē ua leai se fesoasoani. E na te pu‘ea lē ua leai se fesoasoani pe a maua o ia i lana upega.+ 10  Ua tuʻimomomoina lē ua tigāina ma ua lafotūina;Ua paʻuʻū atu i ona lima* ē e vaivai. 11  Ua faapea ifo o ia i lona loto: “Ua faagaloina e le Atua.+ Ua liliuese ona fofoga. E lē taitai silasila i ai o ia.”+ ק [Kofa] 12  Ieova e, inā e tulaʻi ia!+ Le Atua e, inā sii aʻe ia lou aao.+ Aua neʻi e faagaloina o ē ua leai se fesoasoani.+ 13  Aiseā ua lē faaaloalo ai le tagata amioleaga i le Atua? Ua faapea ifo o ia i lona loto: “E te lē faamasinoina lava aʻu.” ר [Resa] 14  Ae ua e silasila lava i faalavelave ma tigā. Ua e silasila pea i ai ma ua e tauaaoina nei mea.+ Ua liliu atu iā te oe lē ua tigāina;+Ua avea oe ma fesoasoani mo le tama ua leai sona tamā.*+ ש [Sini] 15  Ia e gagau le lima o le tagata amioleaga ma lē e agaleaga,+Pe a e suʻesuʻe ai i lana amioleaga,E te lē toe mauaina se mea. 16  O Ieova o le Tupu e faavavau, faavavau lava.+ E fano foʻi nuu mai i le laueleele.+ ת [Tau] 17  Ae e te faafofoga lava i talosaga a ē e agamalu, Ieova e.+ E te faamalosia o latou loto+ ma e te liuliualo mai iā i latou.+ 18  E te faia le faamasinogatonu i tama ua leai ni tamā ma ē ua tuʻimomomoina,+Ina ia lē toe faamataʻu+ ane iā i latou se tagata na faia mai i le eleele.

Faamatalaga Pito i Lalo

Pe atonu “Ua faamanuia e lē e matapeʻapeʻa o ia lava.”
Po o le “paʻū.”
Po o “lima malolosi.”
Po o le “ua mātuaoti.”