Neemia 10:1-39
10 O i latou nei na faamaufaailogaina le feagaiga:+
O Neemia le kovana,* le atalii o Hakalia,O Setekaia,
2 o Seraia, o Asaraia, o Ieremia,
3 o Pasura, o Amaria, o Malakia,
4 o Hatusa, o Sepania, o Maluka,
5 o Harima,+ o Meremota, o Opetaia,
6 o Tanielu,+ o Ginetonu, o Paruka,
7 o Mesulama, o Avia, o Meamina,
8 o Maasia, o Pileta, ma Semaia; o i latou o ositaulaga.
9 O le ‘au sa Levī nei na faamaufaailogaina le feagaiga: o Iesua le atalii o Asania, o Penui mai i atalii o Henatati, o Katameeli,+
10 o Sepania, o Hotia, o Kelita, o Pelaia, o Hanana,
11 o Mika, o Reopa, o Hasapea,
12 o Sakuro, o Serepeia,+ o Sepania,
13 o Hotia, o Pani, ma Peninu.
14 O taʻitaʻi nei o le nuu na faamaufaailogaina le feagaiga: o Parose, o Paka-moapi,+ o Elama, o Satu, o Pani,
15 o Puni, o Asekata, o Pepai,
16 o Atonia, o Pikevai, o Atini,
17 o Atere, o Esekia, o Asure,
18 o Hotia, o Hasumu, o Pisai,
19 o Haripa, o Anatota, o Nepai,
20 o Magefiasa, o Mesulama, o Hesera,
21 o Mesesapelu, o Satoka, o Iatua,
22 o Peletia, o Hanana, o Anaia,
23 o Hosea, o Hanania, o Hasupo,
24 o Halokesu, o Peleka, o Sopeka,
25 o Rekuma, o Hasapena, o Maaseia,
26 o Akia, o Hanana, o Anana,
27 o Maluka, o Harima, ma Panaa.
28 A o i latou ua totoe o le nuu, o le ʻauositaulaga, o le ʻau sa Levī, o leoleo faitotoʻa, o tagata pepese, o auauna o le malumalu,* ma i latou uma na vavaeese mai i tagata o isi atunuu ina ia tausia le Tulafono a le Atua moni,+ faatasi ai ma a latou avā, o o latou atalii, o o latou afafine, ma i latou uma e mafai ona malamalama i le feagaiga,
29 ua latou faatasi atu i o latou uso, o o latou alii sili ia, ma ua latou faia se tautoga* tāua e savavali i le Tulafono a le Atua moni, lea na tuuina mai e ala iā Mose le auauna a le Atua moni, ma ia tausia ma le faaeteete poloaʻiga uma a Ieova lo tatou Alii, o iʻuga o ana faamasinoga, ma ana tulafono.
30 Ua latou faia se tautoga e faapea: “E lē tuuina atu o matou afafine i tagata o le nuu, e matou te lē taliaina foʻi o latou afafine mo o matou atalii.+
31 “Pe a ō mai tagata o le nuu e aumai a latou oloa ma ituaiga saito eseese e faatau i le aso Sapati, e matou te lē faatauina se mea mai iā i latou i le Sapati+ po o se aso paia.+ O le a matou faamālōlō le laueleele i le tausaga lona fitu+ ma faamagalo aitalafu uma.+
32 “Na matou faia foʻi mo i matou se maliega ina ia taʻitasi i matou ma avatu i tausaga taʻitasi, le tasi vaetolu o le sekeli* mo le auaunaga i le fale* o lo matou Atua,+
33 mo falaoa ua faaputuina,*+ o taulaga i meaʻai*+ e faia e lē aunoa, o taulaga mū e faia e lē aunoa i Sapati+ ma masina faatoʻā vaaia,+ o tausamiga ua faatulagaina,+ o mea paia, o taulaga o agasala+ ina ia togisala ai Isaraelu, ma galuega uma o le fale o lo matou Atua.
34 “Ua matou faia foʻi le vili* e iloa ai le taimi atofaina e aumai ai fafie e aiga taʻitasi o le ʻauositaulaga, o le ʻau sa Levī, ma le nuu, i le fale o lo matou Atua i lea tausaga ma lea tausaga, ina ia faaaogā i le fata faitaulaga a Ieova lo matou Atua, e tusa ma mea ua tusia i le Tulafono.+
35 E matou te aumaia foʻi i le fale o Ieova i lea tausaga ma lea tausaga, o uluaʻi fua ua pula o lo matou laueleele, ma uluaʻi fua ua pula o so o se ituaiga o laau ʻaina,+
36 ma ulumatua a o matou atalii ma uluaʻi tama o a matou lafumanu,+ e tusa ai ma mea ua tusia i le Tulafono, ma uluaʻi tama o a matou lafu povi ma lafu mamoe ma ʻoti. E matou te aumaia ia mea i le fale o lo matou Atua, i ositaulaga o loo auauna i le fale o lo matou Atua.+
37 O uluaʻi falaoamata* foʻi mai i a matou uluaʻi seleselega,+ o a matou foaʻi, o fua o ituaiga o laau uma,+ o uaina fou ma suāuu,+ e ao ona matou aumaia i ositaulaga i potu teuoloa* o le fale o lo matou Atua,+ faapea foʻi le sefuluaʻi mai i lo matou laueleele e avatu i le ʻau sa Levī,+ auā o le ʻau sa Levī e aoina le sefuluaʻi mai i o matou aai uma o faatoʻaga.
38 “O le ositaulaga foʻi, o sē e tupuga mai iā Arona, ia iai faatasi o ia ma le ʻau sa Levī pe a aoina e le ʻau sa Levī le sefuluaʻi; ia ofoina atu foʻi e le ʻau sa Levī le sefuluaʻi o le sefuluaʻi i le fale o lo matou Atua,+ i potu teuoloa* o le fale e teu ai oloa.
39 Auā o potu teuoloa,* e avatu i ai e le fanauga a Isaraelu ma le fanauga a le ʻau sa Levī a latou foaʻi+ o saito, o uaina fou, ma suāuu,+ ma o i inā o loo iai ipu o le malumalu, faapea ma ositaulaga o loo faia le auaunaga, o leoleo faitotoʻa ma tagata pepese. E matou te lē tuulafoaʻia le fale o lo matou Atua.”+
Faamatalaga Pito i Lalo
^ Po o “le Tirasata,” o se taʻu faa-Peresia mo se kovana o se itumalo.
^ Po o “o le ʻau Netini.” Epe., “o i latou ua tuuina atu.”
^ E faasino atu i se tautoga, lea e aofia ai se faasalaga o se fetuu pe afai e lē tausia le tautoga.
^ Po o le “malumalu.”
^ Po o “taulaga i fatu.” Tagaʻi i le faamatalaga pito i lalo o le Levitiko 2:1.
^ E faasino atu i le falaoa e laulauina.
^ Tagaʻi i le Uiga o Upu.
^ Po o “potu ʻai.”
^ Epe., “falaoamata atoatoa.”
^ Po o “potu ʻai.”
^ Po o “potu ʻai.”
