Levitiko 5:1-19

  • Agasala patino ma taulaga e fai (1-6)

    • Faailoaina o agasala a isi (1)

  • Pe a lē gafatia e ē matitiva taulaga masani (7-13)

  • Taulaga o le nofosala mo agasala e le‘i mafaufauina (14-19)

5  “‘Pe afai e faalogo se tasi i se faamalaia ua faia i luma o le lautele,* ae na te lē faailoaina atu se agasala ua faia e se tasi e ui o ia o se molimau,+ pe na vaai i se mea pe iloa foʻi se mea, e agasala o ia, ma e ao la ona ia tali atu ona o lona sesē.  “‘Pe afai e paʻi se tasi i se mea e lē mamā, e tusa po o se tino mate o se manu e lē mamā o le vao, po o se manu lata e lē mamā, po o meaola ninii e lē mamā o loo feoaʻi faatasi,+ ua lē mamā ai o ia ma nofosala ai e ui ina ia faia ma le lē iloa.  Pe afai e teʻi ua paʻi se tasi ma le lē iloa i se mea ua lē mamā ai se tagata,+ o so o se mea lē mamā ua lē mamā ai lea tagata, ma ua ia iloa lea mea, ona nofosala ai lea o ia.  “‘Pe afai e tautō se tasi e fai se mea e aunoa ma le mafaufau i ai, e tusa pe e fai se mea lelei po o se mea leaga, po o le ā lava lenā mea, ma ua ia faia ma le lē iloa, ae pe a ia iloa ane na ia tautō e aunoa ma le mafaufau i ai, ona nofosala ai lea o ia.*+  “‘Afai e nofosala o ia i se tasi o nei mea, e ao ona ia taʻutino atu+ e tusa ma le mea ua ia agasala ai.  E na te aumaia fo‘i lana taulaga o le nofosala iā Ieova mo le agasala ua ia faia,+ o se manu fafine lea mai i le lafu, a lē o se tamaʻi mamoe fafine, po o se tamaʻi ʻoti fafine mo le taulaga o le agasala. Ona faia lea e le ositaulaga o le togisala mo ia ona o lana agasala.  “‘Ae afai e na te lē gafatia se mamoe, e ao ona ia aumaia iā Ieova o ni manutagi se lua po o ni tamaʻi lupe se lua+ mo lana taulaga o le nofosala ona o lana agasala, o le tasi mo le taulaga o agasala, ma le isi mo le taulaga mū.+  E na te aumaia ia manulele i le ositaulaga, ona ia avatu lea o le manulele muamua mo le taulaga o agasala ma sesele luma o lona ua, ae aua neʻi motu ese.  E na te sausau sina vaega o le toto o le taulaga o agasala i le itu o le fata faitaulaga, a o le toto o loo totoe e ao ona faaalu ese i lalo o le fata faitaulaga.+ O le taulaga lea o agasala. 10  A o le isi manulele e ao ona ia faia e pei o se taulaga mū e tusa ai ma faiga masani;+ ma e faia e le ositaulaga le togisala mo ia mo lana agasala ua fai, ona faamagaloina ai lea o ia.+ 11  “‘Afai e na te lē gafatia ni manutagi se lua po o ni tamaʻi lupe se lua, ona ia aumaia lea o lana taulaga mo le agasala ua ia faia, o le tasi vaesefulu o le efa*+ o le falaoamata lelei mo le taulaga o agasala. E lē tatau ona ia tuu i ai le suāuu ma e lē tatau foʻi ona ia tuu i ai le lipano, auā o le taulaga lea o agasala. 12  E na te avatu lenei mea i le ositaulaga, ma e luluu mai ai e le ositaulaga se luuga e fai ma sui o le taulaga atoa,* ma faamū i luga o le fata faitaulaga e pei o taulaga iā Ieova ua faia i le afi. O le taulaga lea o agasala. 13  E faia e le ositaulaga le togisala mo ia ona o lana agasala ua fai, o so o se agasala o ia agasala, ona faamagaloina ai lea o ia.+ E fai mo le ositaulaga o mea e totoe o le taulaga+ e pei ona faia i le taulaga i meaʻai.’”+ 14  Ua fetalai mai pea Ieova iā Mose e faapea: 15  “Afai e lē faamaoni se tasi ma agasala ai e aunoa ma le mafaufauina e tusa ma mea paia a Ieova,+ e ao ona ia aumaia le taulaga o le nofosala iā Ieova,+ o se mamoe poʻa e matuā lelei lava mai i le lafu, o lona fua faatatau i sekeli* siliva, e tusa ma le fua masani o le mea paia.*+ 16  E na te taui atu i le agasala na ia faia e tusa ma le mea paia, ma e na te faaopoopo i ai le tasi vaelima i le tau o lea mea.+ E na te avatu i le ositaulaga ina ia fai ai e le ositaulaga le togisala+ mo ia i le mamoe poʻa o le taulaga o le nofosala, ona faamagaloina ai lea o ia.+ 17  “Afai e agasala se tasi i lona faia o so o se mea ua poloaʻi mai Ieova e aua le faia, e ui e na te lē iloa, ua nofosala lava o ia ma e tali atu o ia mo le mea sesē ua ia faia.+ 18  E tatau ona ia aumaia i le ositaulaga se mamoe poʻa e matuā lelei lava mai i le lafu, e tusa ma le fua faatatau o le tau mo le taulaga o le nofosala.+ Ona faia lea e le ositaulaga o le togisala mo ia ona o le mea sesē na ia faia e aunoa ma le mafaufauina e ui na te leʻi iloa, ona faamagaloina ai lea o ia. 19  O le taulaga lea o le nofosala. Ua nofosala lava o ia auā ua ia agasala iā Ieova.”

Faamatalaga Pito i Lalo

Epe., “i se leo o se faamalaia (tautoga).” Atonu o se faasilasilaga e faatatau i se mea sesē lea e aofia ai le faamalaia o se tagata faimea sesē, po o le molimau pe a ia lē taʻutino.
E foliga mai e leʻi faataunuuina lana tautoga.
O le tasi vaesefulu o le efa e tusa ma le 2.2 lita. Tagaʻi i le Faa. E14.
Po o le “e avea o se vaega o le taulaga e fai ma faamanatuga.”
O le mamafa o le sekeli e 11.4 kalama. Tagaʻi i le Faa. E14.
Po o le “e tusa ma le sekeli paia.”