Levitiko 11:1-47

  • Manu e mamā ma manu e lē mamā (1-47)

11  Ua fetalai mai Ieova iā Mose ma Arona:  “Ia fai atu i le fanauga a Isaraelu e faapea, ‘O meaola nei tou te aai ai mai i manu uma ua i luga o le laueleele:+  O manu uma e magalua atigivae ma ua iai le vā i atigivae, ma e toe ʻai i lana mama, e tou te aai ai.  “‘Ae aua tou te aai i nei manu e toe aai i a latou mama pe e magalua atigivae: o le kamela, auā e toe ʻai i lana mama ae e lē magalua ona atigivae. E lē mamā lea manu mo outou.+  E faapena foʻi i le sefanai,*+ auā e toe ʻai i lana mama, ae e lē magalua ona atigivae. E lē mamā lea manu mo outou.  E faapena foʻi i le rapiti, auā e toe ʻai i lana mama ae e lē magalua ona atigivae. E lē mamā lea manu mo outou.  E faapena foʻi i le puaa,+ auā e magalua ona atigivae, ma ua iai le vā i atigivae, ae e lē toe ʻai i lana mama. E lē mamā lea manu mo outou.  Aua tou te aai i aano o ia manu, ma aua foʻi tou te papaʻi i tino mamate o ia manu. E lē mamā ia manu mo outou.+  “‘O mea nei tou te aai ai i meaola uma ua i le vai: O meaola uma ua i le vai e iai ʻapaʻapa ma una, e tusa pe e iai i le sami po o vaitafe, o mea na tou te aai ai.+ 10  Ae o meaola uma ua i le sami ma vaitafe, e leai ni ʻapaʻapa ma una mai i meaola uma ua feoaʻi faatasi i le vai, ma meaola ua i le vai, ua fai ma mea inosia iā te outou. 11  E fai ia meaola ma mea inosia iā te outou, ma aua tou te aai i aano o ia meaola,+ ma ia outou ʻinoʻino i tino mamate o ia meaola. 12  O mea uma ua i le vai e leai ni ʻapaʻapa ma una, o mea inosia ia iā te outou. 13  “‘O manulele nei e tou te ʻinoʻino i ai mai i manulele uma; e lē tatau ona ʻaina auā o mea e inosia ia: o le aeto,+ o le perese, o le oseni uliuli,+ 14  o le aia mūmū ma so o se ituaiga o aia uliuli, 15  o so o se ituaiga o oreva, 16  o le iaena, o le lulu, o le saape, ma so o se ituaiga o nesa, 17  o le lulu laʻitiiti, o le saleka, o le lulu e uumi taliga, 18  o le tanisamiti, o le kati, o le oseni, 19  o le kasita, o so o se ituaiga o matuu, o le tukapiti, ma le peʻa. 20  E faapea foʻi ma meaola ua feoaʻi faatasi ua fai apaʻau* e savavali i vae e fā, ua fai ma mea inosia iā te outou. 21  “‘E mai i meaola ua feoaʻi faatasi ua fai apaʻau e savavali i vae e fā, ia outou ‘aina na o manu e iai vae e uumi nai lo o isi vae e oso ai i luga o le eleele. 22  O meaola nei tou te aai ai: o ituaiga eseese o sē akerise ua matutua, o isi sē akerise+ e taatele, o alisi, ma sē. 23  A o isi meaola uma e fai apaʻau ua feoaʻi faatasi e iai vae e fā, o mea inosia ia iā te outou. 24  O mea ia e mafai ona lē mamā ai outou. O se tasi e paʻi i tino mamate o ia meaola, e lē mamā o ia seʻia oo i le afiafipō.+ 25  O se tasi na te aveina se tino mate o se tasi o ia meaola, e tatau ona tā ona ofu,+ ma e lē mamā o ia seʻia oo i le afiafipō. 26  “‘O se manu e magalua ona atigivae ae e leai se vā i atigivae, ma e lē toe ʻai foʻi i lana mama, e lē mamā lea mo outou. O se tasi e paʻi i ai e lē mamā o ia.+ 27  O meaola uma e savavali i alofivae mai i meaola e savavali i vae e fā, e lē mamā ia iā te outou. O se tasi e paʻi i tino mamate o ia manu, e lē mamā o ia seʻia oo i le afiafipō. 28  O lē e na te ave tino mamate o ia manu, e tatau ona tā ona ofu,+ ma e lē mamā o ia seʻia oo i le afiafipō.+ E lē mamā ia manu iā te outou. 29  “‘O mea nei e lē mamā iā te outou mai i meaola ua feoaʻi faatasi i luga o le eleele: o le isumu e eli i le eleele, o le isumu e osooso,+ o so o se ituaiga o pili, 30  o le moo, o le pili lapoʻa, o le pili leta, o le pili hometa, ma le pili e fesuisuiaʻi lona lanu. 31  E lē mamā nei meaola iā te outou mai i meaola uma ua feoaʻi faatasi.+ O se tasi e paʻi i ai pe a mamate e lē mamā o ia seʻia oo i le afiafipō.+ 32  “‘O mea uma e paʻuʻū i ai meaola ua mamate e lē mamā ia mea, e tusa po o se ipu laau, po o se ofu, po o le paʻu, po o se ʻie talatala. O so o se ipu e faaaogāina e ao ona fufulu i le vai, ma e lē mamā seʻia oo i le afiafipō, ona mamā ai lea. 33  Pe a latou paʻu‘ū i se ipu omea, e ao ona tou nutililiiina lea ipu, ma o so o se mea sa i totonu o le ipu e lē mamā lea.+ 34  O so o se meaʻai e papa‘i i vai mai i lea ipu e lē mamā, ma o so o se meainu e inu mai i lea ipu, e lē mamā. 35  O mea uma e paʻū i ai se tino mate, e lē mamā lea. E tusa lava po o le ogaumu, po o le tulaga o le ipu, ia nutililii lava. E lē mamā ia mea, ma o le a lē mamā iā te outou. 36  E na o le vaipuna ma le faatanoa vai e mamā pea, ae o so o se tasi e paʻi i tino mamate, e lē mamā o ia. 37  Pe afai e paʻū se tino mate i luga o se fatu laau o le a totō, e mamā lea. 38  Ae afai e fui i le vai le fatu ae na paʻū i ai se vaega o le tino mate, ona fai lea o le fatu o se mea e lē mamā iā te outou. 39  “‘Ae afai e mate se manu e faataga ona tou ‘aina, o so o se tasi e paʻi i le tino mate o lea manu e lē mamā seʻia oo i le afiafipō.+ 40  O so o se tasi e ʻai i le tino mate o le manu, e ao ona ia tā ona ofu ma e lē mamā o ia seʻia oo i le afiafipō.+ O so o se tasi e aveina le tino mate o le manu, e ao ona ia tā ona ofu ma e lē mamā o ia seʻia oo i le afiafipō. 41  O meaola uma ua feoaʻi faatasi i luga o le eleele e inosia ia.+ E lē tatau ona ʻaina. 42  Aua tou te aai i so o se meaola e sosolo i le manava, o so o se meaola e savali i vae e fā, po o meaola ua tele o latou vae mai i meaola ia ua feoaʻi faatasi i luga o le eleele, auā o mea e inosia ia.+ 43  Aua neʻi avea outou ma ē e inosia ona o ni meaola ua feoaʻi faatasi, aua fo‘i ne‘i faaleagaina outou ona o nei mea ma lē mamā ai outou.+ 44  Auā o aʻu o Ieova lo outou Atua;+ ia outou faapaiaina outou ma ia paia outou,+ auā e paia lava aʻu.+ Aua neʻi outou lē mamā ona o ni meaola ua feoaʻi faatasi, ia ua feoaʻi i luga o le eleele. 45  Auā o aʻu o Ieova o lē na aumaia outou mai i le atunuu o Aikupito, e faailoa ai iā te outou o aʻu o le Atua,+ ma e ao ona paia outou,+ auā e paia lava aʻu.+ 46  “‘O le tulafono lenei i manu, o manulele, o meaola uma e feoaʻi i le vai, ma e faatatau foʻi i meaola uma ua feoaʻi faatasi i luga o le eleele, 47  ina ia faaeseese ai le mea ua lē mamā mai i le mea ua mamā, e faaeseese ai foʻi o meaola e ʻaina mai i meaola e lē ʻaina.’”+

Faamatalaga Pito i Lalo

Tagaʻi i le Uiga o Upu.
Po o le “E faapea foʻi iniseti uma.”