Isaia 8:1-22

  • Osofaʻiga a Asuria o loo faaloloʻi mai (1-8)

    • Maelisala-asapasa (1-4)

  • Aua le fefefe—“Ua iā i matou le Atua!” (9-17)

  • Avea Isaia ma ona atalii ma faailoga (18)

  • Saʻili i le tulafono ae lē o temoni (19-22)

8  Ua fetalai mai Ieova iā te aʻu: “Ia e ave se laupapa telē+ ma tusia ai i luga ni mataʻitusi faigofie i se peni, o ‘Maelisala-asapasa.’*  Ia iai se faamaoniga tusitusia* o lenei mea iā te aʻu e ala i ni molimau faamaoni, o Uria+ le ositaulaga ma Sakaria le atalii o Iperekia.”  Ona ma momoe lea ma le perofeta fafine,* ma ua tō ai o ia ona fanau ai lea o le tama tama.+ Ua fetalai mai Ieova iā te aʻu: “Ia faaigoa o ia iā Maelisala-asapasa,  auā a o leʻi iloa e le tamaitiiti ona valaau atu, ‘Loʻu tamā e!’ ma ‘Loʻu tinā e!’ ae ua aveesea oloa uma o Tamaseko ma le vete* a Samaria ma aumaia i luma o le tupu o Asuria.”+  Ua toe fetalai mai Ieova iā te aʻu:   “Talu ai ua teena e lenei nuu le vai o Seloa*+ o loo tafe lemū,Ma ua matuā fiafia iā Resina ma le atalii o Remalia,+   O le mea lea, faauta! o le a aumaia e Ieova faasaga iā i latouO vai o le Vaitafe,* e malolosi ma e tele lava,O le tupu lea o Asuria+ ma lona mamalu uma. O le a ia alu aʻe i ona alāvai umaMa lofia ona auvai uma   Ma tafe atu agaʻi i Iuta. O le a tafe atu ma o le a ia lofia, e oo aʻe lava ia i le ua.+E faaloloa ona apaʻau ma e ufitia ai le lautele o lou laueleele,Emanuelu* e!”+   O outou nuu e, ia outou faamanuʻalia i latou, ae e nutililiia outou. Inā faalogologo ia outou o ē o nonofo i mea mamao o le lalolagi! Inā sauni ia mo le taua, ae e nutililiia outou!+ Inā sauni ia mo le taua, ae e nutililiia outou! 10  Inā sauniuni ia se faufauga, ae o le a faalēaogāina! Inā tautala ia i so o se upu, ae o le a lē taunuu,Auā ua iā i matou le Atua!*+ 11  Sa iai le aao malosi o Ieova i luga iā te aʻu a o ia fetalai mai, ina ia lapataʻia aʻu e aua lava neʻi oʻu mulimuli i le ala o lenei nuu. Ua ia faapea mai: 12  “Aua neʻi outou faapea mai o le taupulepulega, le mea lea o loo fai mai lenei nuu o le taupulepulega! Aua tou te matataʻu i le mea o loo latou matataʻu i ai,Aua foʻi tou te fefefe i ai. 13  E ao ona outou manatua e na o Ieova o ʻau e paia lava o Ia,+O Ia e ao ona outou matataʻu i ai,Ma o Ia foʻi e ao ona outou fefefe i ai.”+ 14  O le a avea o ia e pei o se nofoaga paia,Ae ia pei o se maa e tausuai aiMa se papa e tautevateva ai+I aiga uma e lua o Isaraelu,Ia avea foʻi e pei o se mailei ma se matāseleI ē o loo nonofo i Ierusalema. 15  E toʻatele i latou o le a tautevateva ma paʻuʻū ma faamanu‘alia;O le a maileia foʻi ma puʻea i latou. 16  Ia tāʻai le faamaoniga tusitusia;*Ma ia faamaufaailogaina le tulafono* i oʻu soo! 17  Ou te faatalitali pea* iā Ieova,+ o lē ua ʻaloese ona fofoga mai i le aiga o Iakopo,+ ma ou te faamoemoe iā te ia. 18  Faauta! O aʻu ma le fanau ua foaʻiina mai e Ieova iā te aʻu,+ o ni faailoga+ ma o ni vavega i Isaraelu mai iā Ieova o ʻau, o lē o loo afio i le mauga o Siona. 19  Afai e latou te fai atu iā te outou: “Ia saʻili atu i taulāitu po o i latou e faia valovaloga, o ē e leo lāiti ma memumemu,” pe e lē tatau ea ona saʻili atu tagata i lo latou Atua? Pe e tatau ea ona fesili atu i ē ua oti mo ē o loo ola?+ 20  Nai lo o lea, e tatau ona latou saʻili i le tulafono ma le faamaoniga tusitusia!* Pe a latou lē tautatala atu e tusa ai ma ia upu, e latou te lē maua lava le malamalama.+ 21  E taʻitasi ma ui ane i le atunuu ma ua puapuagatia ma fia ʻai;+ ona ua fia ʻai o ia ma ua ita foʻi, ona ia fetuu lea i lona tupu ma lona Atua a o autilo atu i lugā. 22  Ona vaavaai solo lea o ia ma ua ia vaaia ai na o puapuaga ma le pogisa, o le puaoa, o taimi faigatā, o le pōuliuli, ma le leai o se malamalama.

Faamatalaga Pito i Lalo

Atonu e uiga atu “Ua Faatopetope Atu i Mea o le Vete, ua Faavave Mai i Mea ua Faoa.”
Po o le “molimau.”
E faasino atu i le avā a Isaia.
Tagaʻi i le Uiga o Upu.
O Seloa o se alāvai.
E faasino atu i le vaitafe o Eufirate.
Tagaʻi i le Isa 7:14.
O le faaupuga “Ua iā i matou le Atua” o le uiga lea o le igoa Eperu Emanuelu. Tagaʻi i le Isa 7:14; 8:8.
Po o “le molimau.”
Po o le “faatonuga.”
Po o le “faatalitali ma le naunautaʻi.”
Po o “le molimau.”