Isaia 51:1-23
51 “Ia faalogo mai iā te aʻu, outou o ē o loo tausisi atu i le amiotonu,O outou foʻi o ē o loo saʻili iā Ieova.
Ia vāai atu i le papa na vane mai ai outouMa le lua na eli mai ai outou.
2 Ia vāai atu iā Aperaamo lo outou tamāMa Sara+ o lē na fanauina outou.*
Auā na toʻatasi o ia ina ua ou valaauina o ia,+Ma na ou faamanuia iā te ia ma faatoʻateleina o ia.+
3 Auā o le a faamāfanafanaina Siona e Ieova.+
O le a faamāfanafanaina e ia ana mea faatafunaina uma lava,+Ma o le a avea lona fanua valevalenoa e pei o Etena,+Ma lona fanua laugatasi o le toafa e pei o le faatoʻaga a Ieova.+
O le a maua e ia le olioli ma le fiafia,O le lotofaafetai ma leo o pesega.+
4 Oʻu tagata e, ia uaʻi mai iā te aʻu,Loʻu nuu e, ia faalogo mai iā te aʻu.+
Auā o le a alu atu se tulafono mai iā te aʻu,+Ma ou te faatumauina laʻu faamasinogatonu e fai ma malamalama i le nuu.+
5 Ua lata mai laʻu amiotonu.+
O le a alu atu lava laʻu faaolataga,+Ma o oʻu lima o le a faamasino ai nuu.+
E faamoemoe motu iā te aʻu,+E latou te faatalitali foʻi i loʻu lima.*
6 Ia outou tetepa aʻe i le lagi,Ma vāai i le lalolagi i lalo.
Auā o le a mou atu le lagi e pei o le asu;O le a pala foʻi le lalolagi e pei o le ofu,Ma o le a feoti ē e ʻaināina e pei o le namu.
A o laʻu faaolataga, e tumau lea e faavavau,+Ma e lē uma* laʻu amiotonu.+
7 Ia faalogo mai iā te aʻu outou o ē ua iloa le amiotonu,O ē ua iai laʻu tulafono* i o latou loto.+
Aua le fefefe i faifaiga mai i tagata,Ma aua le matataʻu ona o a latou upu faatigā.
8 Auā o le a ʻaina i latou e lelefua e pei ona ʻaina o se ofu;O le a ʻaina foʻi i latou e lelefua ʻai ofu,* e pei ona ʻaina o le fulufulu mamoe.+
A o laʻu amiotonu o le a tumau e oo i le faavavau,Ma laʻu faaolataga i augātupulaga uma.”+
9 Ala mai ia, inā ala mai ia, ia ofu oe i le malosi,Le aao e, o Ieova!+
Ia ala mai e pei o aso ua leva, e pei o aso o tupulaga ua mavae.
Pe e lē o oe ea na nutililiia Raava,*+Ma o lē na tuia le meaola lapoʻa o le sami?+
10 Pe e lē o oe ea na mātūtū ai le sami, o vai o le sami loloto?+
O lē foʻi na faia mea loloto o le sami, ma ala na sopoʻia e ē ua toe faatauina mai?+
11 O le a toe foʻi ē ua togiolaina o Ieova.+
O le a latou ō atu ma le alalaga fiafia i Siona,+Ma o le a faapaleina i latou i* le fiafia i aso uma.+
O le a maua e i latou le fiafia ma le olioli,Ma o le a mou atu le faanoanoa ma le mapuitigā.+
12 “O aʻu, o aʻu lava o Lē e faamāfanafana iā te outou.+
Aiseā e te fefe ai fua i le tagata e oti+Ma le atalii o le tagata o lē o le a pei o vao mu‘a ua mamae?
13 Aiseā ua e faagaloina ai Ieova o Lē na faia oe,+Ma o Lē na folasia le lagi+ ma faia le faavae o le lalolagi?
Ua e fefe pea i le aso atoa ona o le lotoa o lē e faasauā iā te oe,E pei ua sauni o ia e faaumatia oe.
O fea la le lotoa o lē o loo sauāina oe?
14 O lē o loo faanoʻunoʻu i filifili uʻamea ua toeitiiti ona faasa‘olotoina lea;+O le a lē oti o ia ma alu atu i le lua,Pe matelāina foʻi i le fia ʻai.
15 A o aʻu o Ieova lou Atua,O lē e faagaepu le sami ina ia ū mai ona galu.+O Ieova o ʻau lo‘u igoa.+
16 O le a ou tuu aʻu upu i lou gutu,Ma ou ufiufia oe i le paolo o loʻu lima,+Ina ia faavaeina le lagi ma faia le faavae o le lalolagi+Ma fai atu iā Siona, ‘O loʻu nuu lava oe.’+
17 Ierusalema e, inā ala mai ia oe, inā ala ia oe, inā tulaʻi ia,+O oe o lē na inu mai i le lima o Ieova i le ipu o lona toʻasā.
Ua e inu mai i le ipu,Ua e inuina uma le ipu lea e tautevateva ai.+
18 Ua leai se isi o lana fanau tama uma na ia fanaua e taʻitaʻiina o ia,Ua leai foʻi se isi o lana fanau tama uma na ia tausia e tago atu i lona lima.
19 O mea ia e lua o le a oo iā te oe.
O ai o le a tigā alofa iā te oe?
O le a faatafunaina ma lepetia oe. O le a e feagai ma le fia ʻai ma le pelu!+
O ai o le a faamāfanafana iā te oe?+
20 Ua matapogia lau fanau tama.+
Ua latou taooto i le fetaula‘iga o auala uma*E pei o mamoe taaloa i le upega.
O i latou ua oo i ai le toʻasā tele o Ieova, o le aʻoaʻiga malosi mai i lou Atua.”
21 O le mea lea, faamolemole inā faalogo mai ia i lenei mea,O oe le fafine e, o lē ua puapuagatia ma onā, ae e lē i le uaina.
22 O loo faapea ona fetalai mai lou Alii o Ieova, o lou Atua foʻi o lē o loo tau mo lona nuu:
“Faauta! O le a ou aveesea mai i lou lima le ipu e tautevateva ai,+E te lē toe inu lava i le ipu;O le ipu o loʻu toʻasā.+
23 O le a ou tuu atu lea mea i lima o ē ua faatigā mai iā te oe,+O ē na faapea mai iā te oe, ‘Inā punou ia i lalo ina ia matou savavali atu i ou luga!’
O lea ua fai ai lou papatua e pei o le eleele,E pei foʻi o se auala mo i latou ina ia savavali ai.”
