Isaia 49:1-26

  • Tofiga a le auauna a Ieova (1-12)

    • Malamalama o nuu (6)

  • Faamāfanafanaga mo Isaraelu (13-26)

49  O outou motu e, inā faalogo mai ia iā te aʻu,Ma outou nuu mamao e, inā uaʻi mai ia.+ Na valaauina aʻu e Ieova ae ou te leʻi fanau mai.*+ Na ia taʻua loʻu igoa mai i le taimi na ou iai i le manava o loʻu tinā.   Na ia faia loʻu gutu e pei o se pelu maʻai;Ua ia natia aʻu i le paolo o lona aao.+ Na ia faia aʻu e pei o se aū maʻai;Ua ia faalilo aʻu i lana taga e tuu ai aū.   Ua ia fetalai mai iā te aʻu: “Isaraelu e, o oe o laʻu auauna,+O le a faaalia loʻu matagofie e ala iā te oe.”+   Ae ua ou faapea ifo: “Ua ou galue fua. Ua alu uma loʻu malosi i se mea e lē aogā ma iʻuvale. Ae e mautinoa e faamasinoina aʻu e Ieova,*Ma o loʻu totogi* ua i loʻu Atua lea.”+   A o lenei, ua fetalai mai Ieova o Lē na faia aʻu i le manava, e fai ma ana auauna,Ia ou toe aumaia Iakopo iā te ia,Ina ia faapotopoto Isaraelu iā te ia.+ O le a faamamaluina aʻu i le silafaga a Ieova,Ma avea loʻu Atua ma oʻu malosi.   Ua fetalai mai foʻi o ia: “E lē lava le tau ina avea o oe ma aʻu auaunaIna ia faaeaina ituaiga o IakopoMa toe aumai ē o malupuipuia o Isaraelu. Ua ou tuuina atu foʻi oe e fai ma malamalama o nuu ese,+Ina ia oo laʻu faaolataga i tuluʻiga uma o le lalolagi.”+  O le fetalaiga lenei a Ieova, o Lē e toe faatauina Isaraelu, o Lē e Paia o Isaraelu,+ i lē e matuā inosia,+ o lē ua ʻinoʻino i ai le nuu, o le auauna a ē e pule: “O le a vāai i ai tupu ma tutulaʻi mai,Ma o le a ifo foʻi pereniseOna o Ieova, o lē e faamaoni,+O Lē e Paia o Isaraelu, o lē ua filifilia oe.”+   O le fetalaiga lenei a Ieova: “I le taimi sologa lelei, na ou tali atu iā te oe,+I le aso foʻi o le faaolataga, na ou fesoasoani ai iā te oe;+Na ou leoleoina pea oe ina ia tuuina atu oe e fai ma feagaiga mo tagata,+Ina ia toe faaleleia le laueleele,Ina ia latou toe nofoia o latou tofi ua faatafunaina,+   Ina ia fai atu i pagota, ‘Ia ō mai i fafo!’+ Ma i latou o loo i le pogisa,+ ‘Ia faailoa mai outou!’ O le a aai i latou i tala ane o ala,Ma o le a iai o latou laufanua e aai ai i tafatafa ane o auala* uma. 10  O le a lē fia aai i latou, pe fia feinu,+O le a lē afāina i latou i le vevela tele po o le lā.+ Auā o le a taʻitaʻia i latou e Lē e alofa mutimutivale iā i latou,+Ma o le a ia taʻitaʻia i latou i vaipuna.+ 11  O le a ou faia ma auala oʻu mauga uma,Ma o le a maualuga foʻi oʻu ala tele.+ 12  Faauta! O le a ō mai i latou mai i mea mamao,+Vaai foʻi! o i latou nei mai i le itu i mātū ma le itu i sisifo,Ma o i latou nei mai i le atunuu o Sainima.”+ 13  O outou lagi e, inā alalaga fiafia ia, ma ia olioli oe le lalolagi.+ Ia olioli mauga ma alalaga fiafia.+ Auā ua faamāfanafana e Ieova ona tagata,+Ma ua ia alofa mutimutivale i ona lava tagata ua puapuagatia.+ 14  Ae ua fai mai pea Siona: “Ua tuulafoaʻia aʻu e Ieova,+ ma ua galo aʻu iā Ieova.”+ 15  Pe e mafai ona galo i se tinā lana tama o loo susu,Ma lē alofa i le tama tama a lona manava? E tusa pe e galo i nei tinā, ae e lē galo oe iā te aʻu.+ 16  Faauta! Ua vaneina oe i oʻu alofilima. Ua i oʻu luma pea ou pā. 17  Ua vave ō mai lau fanau tama. O le a ō ese mai iā te oe ē ua lepetiaina ma faatafunaina oe. 18  Inā tepa aʻe ia ma vaavaai solo. Ua faapotopotoina faatasi i latou uma.+ Ua latou ō mai iā te oe. Ua fetalai mai Ieova: “O loo ola aʻu,O le a e ofu iā i latou uma e pei o mea teuteu,Ma e te fusia i latou iā te oe e pei ona faia e se tamaʻitaʻi faaipoipo. 19  E ui na faatafunaina ma tuulafoa‘ia ou nofoaga ma na tuufua lou laueleele,+A o lenei o le a pūmoomoo mo tagata o loo nonofo ai,+O le a mamao ese+ foʻi ē na faaumatiaina oe.+ 20  O le a faapea atu i ou taliga lau fanau tama sa fananau ina ua aveesea lau fanau,‘Ua pūmoomoo tele lenei nofoaga mo aʻu. Ia faatelē atu le mea ina ia ou nofo ai.’+ 21  O le a e fai ifo i lou loto,‘O ai le tamā o nei fanau ua tuuina mai iā te aʻu,Auā o aʻu o le fafine ua leai se fanau ma ua pā,Na faapagotaina aʻu ma ou nofo i se mea mamao? O ai na tausia aʻe i latou nei?+ Vaai! Na tuua toʻatasi aʻu,+O fea la e ō mai ai i latou nei?’”+ 22  O le fetalaiga lenei a le Alii Pule Silisili Ese o Ieova: “Faauta! O le a ou sii aʻe loʻu lima i atunuu,Ma ou te faatū i luga laʻu faailoilo* i nuu.+ O le a latou aumai lau fanau tama i o latou fatafata,Ma faatiʻetiʻe lau fanau teine i o latou tauʻau.+ 23  E tausia oe e tupu,+Ma o le a fai o latou purinisese ma au auauna. O le a latou faapaʻuʻū faō i ou luma+Ma etoeto le pefu o ou vae,+Ma o le a e iloa ai o aʻu o Ieova;E lē faamāina i latou e faamoemoe iā te aʻu.”+ 24  Pe e mafai ona toe aveesea o ē ua ave e se tagata malosi,Pe e mafai ona laveaʻiina pagota mai i se pule sauā? 25  Ae ua faapea ona fetalai mai o Ieova: “O le a aveesea pagota a le tagata malosi,+Ma o le a laveaʻiina i latou na ave e le pule sauā.+ O le a ou tetee i ē e tetee iā te oe,+Ma o le a ou faaolaina lau fanau tama. 26  O le a ou fafagaina i latou o ē e faasauā iā te oe i o latou lava tino,Ma o le a onanā i latou i o latou toto, e pei ona onanā i le uaina suamalie. O le a iloa ai e tagata uma, o aʻu lava o Ieova,+O lou Faaola+ ma o Lē e toe faatauina oe,+O le Atua Malosi o Iakopo.”+

Faamatalaga Pito i Lalo

Epe., “mai i le manava.”
Po o le “e faia e Ieova le faamasinotonu mo aʻu.”
Po o le “taui.”
Pe atonu “o aʻega taalaelae.”
Po o le “pou faailoilo.”