Isaia 13:1-22
13 O le feʻau faasaga iā Papelonia+ lea na vaaia e Isaia+ le atalii o Amota i se faaaliga:
2 “Ia faatū se faailoilo*+ i luga o mauga e leai ni laau.
Ia valaau atu iā i latou, ia talotalo atu lou lima,Ina ia latou ō mai ai i faitotoʻa o tamālii.
3 Ua ou tuuina atu le poloaʻiga i ē ua ou filifilia.*+
Ua ou poloaʻia oʻu tagata totoa ina ia faatinoina loʻu ita,Ua latou matuā olioli ma le mitamita.
4 Inā faalogo ia! Ua iai se motu o tagata i mauga;E pei o se nuu e toʻatele lava!
Inā faalogo ia! Ua iai le pisapisaō o malo,O atunuu ua aoaoina faatasi!+
O loo faapotopotoina e Ieova o ʻau le ʻautau mo le taua.+
5 O loo ō mai i latou mai i se nuu mamao,+Mai i le taufaasiʻusiʻuga o le lagi,O Ieova ma auupega o lona toʻasā,Ina ia faaumatia le lalolagi uma.+
6 Inā tagiauē ia, auā ua latalata mai le aso o Ieova!
O le a oo mai e pei o se faaumatiaga mai i Lē e ona le malosi uma lava.+
7 O le mea lea o le a paʻuʻū ai lima uma,Ma e liusuāvai ai loto o tagata uma ona o le matataʻu.+
8 Ua matuā popole tagata.+
Ua oo iā i latou le tafitivale ma le tigā,E pei o le fafine ua faatigā o le a fanau.
Ua fevaaiaʻi i latou ma le fefefe.Ua mūmū foʻi o latou foliga ona o le atuatuvale.
9 Faauta! O loo sau le aso o Ieova,E ogaoga ona o le maʻemaʻeā ma le toʻasā tele,Ina ia avea le laueleele ma mea e fefe ai,+Ma ia faaumatia tagata agasala o loo iai.
10 Auā o le a lē pupula mai le malamalamaO fetu o le lagi ma ona faaputuga fetu;*+E pogisa le lā pe a oso aʻe,Ma e lē susulu foʻi le malamalama o le masina.
11 O le a ou faasalaina ē o loo nonofo i le lalolagi ona o a latou mea leaga,+Ma tagata amioleaga ona o a latou mea sesē.
O le a ou faamutaina le mimita o ē e faamaualuluga,Ma ou faamaulaloina le faasausili o ē e pule sauā.+
12 O le a ou faia ia sili ona toʻaitiiti tagata nai lo o le auro lelei,+Ma e sili ona toʻaitiiti tagata nai lo o auro o Ofeira.+
13 O le mea lea o le a ou faaatuatuvaleina ai le lagi,Ma e lūlūeseina le lalolagi+Ona o le maʻemaʻeā o Ieova o ʻau i le aso o lona toʻasā tele.
14 E pei o le sevi* ua tuliloaina ma e pei o le lafu e leai se tasi e aoaoina faatasi,E taʻitoʻatasi i latou ma liliu atu i ona lava tagata;E taʻitoʻatasi i latou ma sola atu i lona lava atunuu.+
15 O le a tuia i latou uma e maua,E fasiotia foʻi i le pelu i latou uma e puʻea.+
16 E nutipalaina a latou fanau i o latou luma,+O le a faoa o latou fale,Ma o le a toso faamalosi foʻi a latou avā.
17 Ou te faaosoina Metai e faasagatau iā i latou,+E latou te lē manatu i silivaE latou te lē fiafia foʻi i auro.
18 E nutipalaina foʻi talavou i a latou ʻaufana;+E latou te lē tigā alofa i fanauE latou te lē alolofa foʻi i tamaiti.
19 O Papelonia foʻi, ua sili lona mamalu i isi malo,+O le aai matagofie e mitamita ai tagata Kaletaia,+O le a pei o Sotoma ma Komoro ina ua faaumatia e le Atua.+
20 O le a lē toe ʻainā lenā aai,Pe avea o se nofoaga e nonofo ai i augātupulaga uma.+
O le a lē faatūina ai e se Arapi lona faleʻie i inā,E lē avatua ai foʻi e se leoleo mamoe lana lafu e mālōlō ai i lea mea.
21 O le a taooto ai i lea mea manu mai i le toafa;Ma o le a tumu o latou fale i lulu.
E nonofo foʻi i lea mea o iaena,*+Ma e osooso solo ai i inā ʻoti o le vao.*
22 O le a fetagisi meaola i totonu o ‘olo o Papelonia,Ma o le a iai taʻifau o le vao i ona maota matagofie.
Ua lata mai ona vaitaimi, e lē tolopōina foʻi ona aso.”+
Faamatalaga Pito i Lalo
^ Po o le “pou faailoilo.”
^ Epe., “i oʻu tagata ua faapaiaina.”
^ Epe., “ma ona Kisila.”
^ Tagaʻi i le Uiga o Upu.
^ Tagaʻi i le Uiga o Upu.
^ Pe atonu “temoni e foliga e pei o ni ʻoti.”
