Iopu 9:1-35
9 Ona tali atu lea o Iopu e faapea:
2 “O le mea moni ua ou iloa lava e faapea.
Ae e mafai faapefea ona tonu se tagata i luma o le Atua?+
3 Pe afai e mana‘o se tasi e finau ma Ia,*+E lē mafai ona ia tali atu i se tasi o Ana fesili mai i fesili e afe.
4 E atamai lona finagalo ma e malosi lona mana.+
O ai e mafai ona tetee atu iā te ia ae e lē afāina ai?+
5 Ua ia siitia* mauga e aunoa ma se tasi e iloa;Ua ia fulisia i latou i lona toʻasā.
6 Ua lūlūina e ia le lalolagi mai i le mea sa iai,Ina ia gatete ai ona poutū.+
7 Ua ia faatonuina le lā ina ia aua neʻi susulu mai,Ua punitia foʻi e ia le malamalama o fetu;+
8 Ua ia fofola le lagi e na o ia lava,+Ma savali i luga o galu tetele o le sami.+
9 Ua ia faia foʻi faaputuga fetu o Asa, o Kisila, ma Kima,*+Ma faaputuga fetu o le lagi i le itu i saute;*
10 Ua ia faia mea tetele e lē masuʻesuʻeina,+O mea ofoofogia e lē mafaitaulia.+
11 Ua afio ane o ia i oʻu luma ae ou te leʻi vaaia o ia;Ua afio atu lava o ia, ae ou te leʻi iloa o ia.
12 Pe a ia faoa se mea, o ai e mafai ona tetee atu iā te ia?
Po o ai foʻi e mafai ona fai atu iā te ia, ‘O le ā lau mea ua fai?’+
13 E lē taofia e le Atua lona toʻasā;+E oo lava i fesoasoani a Raava,*+ e ifo atu iā te ia.
14 E sili atu ai la pe afai ou te tali atu iā te ia,Ou te filifilia ma le faaeteete aʻu upu e finau ai ma ia!
15 E tusa pe e saʻo aʻu, ae ou te lē tali atu iā te ia.+
Ou te ʻaiʻoi atu i loʻu faamasino* ina ia alofa mai.
16 Pe a ou valaau atu iā te ia, po o le a ia tali mai iā te aʻu?
Ou te lē talitonu o le a ia faafofoga mai i loʻu leo,
17 Auā e na te tuʻimomomoina aʻu i le afāMa faateleina oʻu manuʻa e aunoa ma se māfuaaga.+
18 Na te lē faatagaina aʻu ou te mānava ifo;Ua ia faatumuina pea aʻu i mea oona.
19 Afai e tatou te talanoa i le malosi, o le Atua e sili atu lona malosi.+
Afai e tatou te talanoa i le faamasinotonu, ua faapea mai le Atua: ‘O ai e mafai ona tuua‘ia sesē a‘u?’*
20 Afai ou te saʻo, o le a taʻuleagaina aʻu e loʻu lava gutu;E tusa po ou te tausisi i lo‘u faamaoni,* o le a ia taʻutino loʻu lē faamaoni.*
21 E tusa po ou te tausisi i lo‘u faamaoni,* ou te lē mautinoa po o le ā e tupu iā te aʻu;Ou te teena* loʻu nei ola.
22 E leai lava se eseesega. O le mea lea ua ou faapea atu ai,‘E faaumatia e ia o lē e lē sala* atoa foʻi ma lē e amioleaga.’
23 Afai e oo faafuaseʻi mai le oti i se tafega malosi,Ona aamu ai lea o ia i le atuatuvale o tagata e lē sala.
24 Ua tuuina mai le lalolagi i lē ua amioleaga;+Ua Ia ufitia foʻi mata* o ona faamasino.
Afai e lē o Ia, o ai ea la?
25 Ua sili atu ona televavave oʻu aso nai lo o se tagata tamoʻe;+Ua sosola ese i latou e aunoa ma le iloa o se mea lelei.
26 Ua latou ō atu vave e pei o ni vaa e faia i ū,E pei o ni aeto e televavave ona felelei ifo i a latou mea‘ai.
27 Afai ou te fai atu, ‘Seʻi oʻu faagaloina oʻu tigā,O le a suia loʻu mata faanoanoa i le mata fiafia,’
28 Ou te fefe pea ona o oʻu tigā uma,+Ma ou te iloa o le a e lē taʻumamāina aʻu.
29 O le a ta‘usalaina a‘u.*
Aiseā ea ou te tautigā ai fua?+
30 Afai ou te faamamāina aʻu i le suāvai mai i le kiona,Ma ou fufuluina oʻu lima i le fasimoli,*+
31 Ona e lolō lea o aʻu i le lua,Ma e ʻinoʻino mai lava oʻu ofu iā te aʻu.
32 Auā e lē o ia o se tagata e pei o aʻu ou te tali atu ai iā te ia,Ina ia ma ō faatasi ai i le faamasinoga.+
33 E leai foʻi se tagata e faia se faai‘uga* i lo ma vā,O sē e mafai ona faamasino iā i ma‘ua.*
34 Pe a ia taofia lona sasaina o a‘u*Ma aua foʻi neʻi faafefe a‘u i ana mea mataʻutia,+
35 Ona ou tautala atu lea iā te ia e aunoa ma le fefe,Auā ou te lē fefe e tautala atu iā te ia.
Faamatalaga Pito i Lalo
^ Po o le “e ave o Ia i le faamasinoga.”
^ Po o le “aveesea.”
^ Epe., “i potu i totonu o le itu i saute.”
^ O igoa nei o faaputuga fetu e foliga e pei o ni manu po o isi mea pe a tilotilo mamao atu mai i le lalolagi.
^ Atonu o se meaola lapoʻa o le sami.
^ Pe atonu “i lē o loo i le itu tetee o loʻu faamasinoga.”
^ Epe., “amia aʻu?”
^ Po o le “E tusa po ou te lē sala.”
^ Epe., “faapiʻopiʻo.”
^ Po o le “E tusa po ou te lē sala.”
^ Po o le “‘ino‘ino i.”
^ Po o “o ē e tausisi i le faamaoni.”
^ Epe., “foliga.”
^ Po o le “Ua ou amioleaga.”
^ O se ituaiga o fasimoli e fai mai i lefulefu.
^ Po o le “e fai ma puluvaga.”
^ Epe., “e na te tuu mai lona lima iā i ma‘ua uma.”
^ Epe., “aveesea lona tootoo mai i oʻu luga.”
