Iopu 8:1-22
8 Ona tali mai lea o Pilitati+ le Sua+ e faapea:
2 “O le ā le umi e te tautala mai ai faapea?+
Ua pei upu a lou gutu o se matagi malosi!
3 Pe e faapiʻoina ea e le Atua le faamasinogatonu,Pe e faapiʻoina foʻi e Lē e ona le malosi uma lava le amiotonu?
4 Afai na agasala lau fanau iā te ia,Ua ia tuu atu i latou ia faasalaina ona o lo latou fouvale;*
5 Ae afai e te saʻili atu i le Atua+Ma ʻaiʻoi atu i Lē e ona le malosi uma lava mo lona finagalo malie,
6 Ma afai e moni e te mamā ma amio saʻo,+O le a ua‘i mai o ia iā te oe*Ma toe faafoʻisia oe i le mea e tatau ona e mau ai.
7 Ma e ui lava e faatauvaa lou amataga,Ae e matuā taulau manuia lou lumana‘i.+
8 Ia e talosaga atu faamolemole i le tupulaga na muamua atu,Ma ia e uaʻi atu i mea na maua e o latou tamā.+
9 E mai ananafi lava i tatou, ma e tatou te lē iloa se mea,Talu ai ua pei o se ata lafoia o tatou aso i le lalolagi.
10 Po o le a latou lē aʻoaʻoina ea oeMa taʻu mai iā te oe mea ua latou iloa?*
11 Pe e tupu maualuga ea le laau o le kome ae leai se taufusi?
Pe e tupu tele ea le ū ae leai se vai?
12 A o lauolaola pea, e leʻi salaina,E muamua mago i isi laau uma.
13 O le i‘uga lea* o i latou uma ua faagaloina le Atua,Auā e faaumatia le faamoemoe o lē e amioleaga,*
14 E vave mavae lona mautinoa,O lona faatuatua foʻi e vaivai e pei o le faamoega* o le apogaleveleve.
15 E faalagolago o ia i lona fale, ae e lē tū pea;E taumafai o ia e taofimau i ai, ae e lē tumau.
16 O ia o se laau ua faasūsūina i le lā,E sosolo atu ona tātupu i le togālaau.+
17 E feuiuiaʻi ona aa i totonu o le faaputuga maa;E iloa atu foʻi e ia se fale i le mea o iai maa.*
18 Ae pe a lia‘ieseina* o ia mai i lona nofoaga,E faafitia lava o ia e lenā nofoaga i le faapea atu, ‘Ou te leʻi vaai lava iā te oe.’+
19 Ioe, e faapena ona aveesea o ia;*+Ona tutupu mai ai lea o isi mai i le eleele.
20 E lē teena lava e le Atua ē e tausisi i le faamaoni;*Pe na te lagolagoina foʻi* o ē e fai mea leaga,
21 Auā o le a ia faatumuina lou gutu i le ʻataʻataMa ou laugutu i le alaga fiafia.
22 E faaofuina o ē e ita iā te oe i le māsiasi,O le a leai foʻi le faleʻie o ē e amioleaga.”
Faamatalaga Pito i Lalo
^ Epe., “Ua ia aauina atu i latou i le lima o lo latou fouvale.”
^ Po o le “maleifua mai o ia mo oe.”
^ Epe., “Ma fai mai upu mai i o latou loto?”
^ Epe., “E faapea ala.”
^ Po o “lē e fulitua i le Atua.”
^ Epe., “fale.”
^ Po o le “E iloa atu e ia se fale e fai i maa.”
^ Po o le “faaumatia.”
^ Po o “o le iʻuga lenā o lona ala.”
^ Po o “ē e lē taʻuleagaina.”
^ Epe., “taofia lima.”
